امەريكالىق بۇقارالىق اقپارات قۇرالدارى يزرايلدىڭ زىمىراننان قورعانۋ جۇيەسى – Arrow كەشەنىنە ارنالعان زىمىرانداردىڭ قورى تاۋسىلۋعا جاقىن ەكەنىن جازۋدا، دەپ حابارلايدى "ادىرنا" ۇلتتىق پورتالى DW-گە سىلتەمە جاساپ.
The Wall Street Journal گازەتىنىڭ جازۋىنشا، اقش بيلىگى يزرايلدە زىمىران تاپشىلىعى تۋىندايتىنىن بىرنەشە اي بۇرىن بىلگەن. وسىعان بايلانىستى ۆاشينگتون ءيزرايلدىڭ قورعانىسىن كۇشەيتۋ ماقساتىندا قۇرلىقتا، تەڭىزدە جانە اۋەدە قوسىمشا اسكەري كۇشتەر مەن زىمىرانعا قارسى جۇيەلەر جىبەردى.
The Washington Post باسىلىمى دا ءيزرايلدىڭ قازىرگى زىمىراننان قورعانۋ الەۋەتى تەك 10–12 كۇنگە عانا جەتۋى مۇمكىن ەكەنىن
«ولار ەندى ناقتى نىسانالاردى تاڭداپ، قايسىسىن اتىپ ءتۇسىرۋ كەرەك ەكەنىن شەشۋگە ءتيىس»، – دەيدى دەرەككوز.
دەرەككوزدىڭ ايتۋىنشا، يزرايل سوڭعى كۇندەرى يران زىمىراندارىنىڭ كوپ بولىگىن جويعان. الايدا يران تاراپىنان جاسالاتىن شابۋىلداردىڭ قارقىنى دا ءبىراز باسەڭدەگەن. سوعان قاراماستان، تەگەراننىڭ قولىندا ءالى قانشا زىمىران قالعانى بەيمالىم.