«سامۇرىق-قازىنا» قورى مەن ونىڭ ەنشىلەس ۇيىمدارىنىڭ ديرەكتورلار كەڭەسى مەن باسقارما مۇشەلەرى 2024 جىلى 7,7 ملرد تەڭگە سىياقى العان. بۇل اقپارات KASE سايتىندا جاريالانعان تاۋەلسىز اۋديتور جاساعان ەسەپتە كورسەتىلگەن، دەپ حابارلايدى «ادىرنا» ءتىلشىسى.
«2024 جىلعى 31 جەلتوقساندا اياقتالعان جىل ىشىندە قور مەن ونىڭ ەنشىلەس ۇيىمدارىنىڭ ديرەكتورلار كەڭەستەرى مەن باسقارما مۇشەلەرىنەن تۇراتىن نەگىزگى باسقارۋشىلارىنا تولەنگەن سىياقىلاردىڭ جالپى سوماسى 7 ميلليارد 687 ميلليون تەڭگە بولدى. بۇل سوما تىركەلگەن كىرىس بويىنشا جيىنتىق تابىس تۋرالى بىرىكتىرىلگەن ەسەپتەگى جالپى جانە اكىمشىلىك شىعىستار قۇرامىنا
سونىمەن قاتار الەۋمەتتىك سالىق پەن اۋدارىمداردى قوسا العاندا، جالاقى بويىنشا جالپى شىعىندار 301,9 ملرد تەڭگەنى (وتكەن جىلى — 271,3 ملرد تەڭگە) قۇراعان.
بۇعان دەيىن ءماجىلىس دەپۋتاتى ءادىل جۇبانوۆ «سامۇرىق-قازىنا» قورىن قايتا جاڭالاۋدى تالاپ ەتكەن ەدى. ول قوردىڭ قازىرگى قىزمەتى قوعامنىڭ ءۇمىتىن اقتاماي وتىرعانىن مالىمدەدى.
«قوردىڭ قىزمەتىندە ەكونوميكالىق تيىمدىلىك، اشىقتىق پەن ەسەپتىلىك جەتىسپەيدى. سونىمەن قاتار، ونىڭ ەنشىلەس ۇيىمدارىنىڭ نارىقتىق ەكونوميكاعا نەگىزسىز ارالاسۋ تاجىريبەسى كەڭ ەتەك العان»، - دەدى دەپۋتات.
