يرانداعى قازاقتار مەكەندەيتىن قالاعا زىمىران اتىلدى

278
Adyrna.kz Telegram
https://www.adyrna.kz/storage/uploads/8rJgcUsU4pFGlVwC59slxpGPIoArOSFv81qdqk4o.jpg

يراننىڭ قازاقتار مەكەندەيتىن گورگان قالاسىنا دا زىمىران اتىلدى، دەپ حابارلايدى "ادىرنا" ۇلتتىق پورتالى. 

بۇل تۋرالى يراندا تۇراتىن قازاق جافار شادكام ءوزىنىڭ الەۋمەتتىك جەلى پاراقشاسىندا ءبولىستى.

"مىنا ۆيدەونى ماعان گورگاننان جىبەرگەن. مەن ءوزىم قازىر مەككەدەمىن. قازاقتاردى كوشىرىپ الامىز دەۋشى ەدى. ەش حابار جوق. جاعداي قيىنداپ بارا جاتقان سياقتى" - دەپ جازدى ول. 

ونىڭ سوزىنە قاراعاندا، قازاقستانعا ءوز بەتىمەن بارىپ، ازاماتتىق العىسى كەلەتىندەردىڭ كوپشىلىگىندە قازاق ەكەنىن راستايتىن قۇجاتتار جوق. سول سەبەپتى، ولارعا بۇرىنعىداي ۆيزا بەرۋ دە توقتاتىلعان.

يرانداعى قازاق دياسپوراسى نەگىزىنەن

ەلدىڭ سولتۇستىك-شىعىس بولىگىندە، تەگەراننان شىعىسقا قاراي 400 شاقىرىم جەردە ورنالاسقان گورگان قالاسىندا شوعىرلانعان. بۇل قازاقتار ەڭ كوپ تۇراتىن ايماق سانالادى. جالپى تۇرعىندار سانى 300 مىڭنان اساتىن گورگان - گۇلستان پروۆينتسياسىنىڭ ورتالىعى. پروۆينتسيا حالقى 1 ميلليون 600 مىڭنان استام ادامدى قۇرايدى.

قازاقتار گۇلستانداعى ءباندار تۇركىمەن، اققالا جانە گۇمبەد قالالارىندا دا تۇرادى. بۇل وڭىردە قازاقتارمەن قاتار تۇركىمەندەر مەن كۇرد ۇلتتارىنىڭ وكىلدەرى دە تىعىز قونىستانعان. يرانداعى قازاقتاردىڭ جالپى سانى شامامەن 3-4 مىڭ ادامعا جەتەدى.

پىكىرلەر