يراننىڭ يسلام رەۆوليۋتسياسى ساقشىلار كورپۋسى يزرايل پرەمەر-ءمينيسترى بينيامين نەتانياحۋ كەڭسەسىنە شابۋىل جاسادى. بۇل تۋرالى IRIB مەملەكەتتىك تەلەراديوكومپانياسى ايتتى، دەپ حابارلايدى «ادىرنا» ءتىلشىسى.
«شىنايى ۋادە — 4» وپەراتسياسىنىڭ ونىنشى تولقىنى بارىسىندا بۇل قىلمىستىق رەجيمنىڭ پرەمەر-ءمينيسترىنىڭ كەڭسەسى، سونداي-اق وسى رەجيم ارمياسىنىڭ اۋە كۇشتەرى قولباسشىسىنىڭ ورنالاسقان جەرى «حەيبار» زىمىراندارىمەن نىسانالى تۇردە سوققىعا ۇشىرادى»،– دەلىنگەن حابارلامادا.
كسير شابۋىلدىڭ بۇگىن تاڭەرتەڭ جاسالعانىن اتاپ ءوتتى. سونداي-اق ولار نىساندارعا سوققى ءتيىپ، ايتارلىقتاي شىعىن كەلتىرىلگەنىن مالىمدەدى. نەتانياحۋدىڭ جاعدايى ازىرگە بەلگىسىز ەكەنى ايتىلدى.
ۇقساس جاڭالىقتار
