19 ماۋسىم كۇنى استانادا ەر ادام ازاماتتىق نەكەدەگى جۇبايىن پىشاقتاپ، ارتىنشا كوپقاباتتى ءۇيدىڭ 25-قاباتىنان سەكىرىپ كەتكەن، دەپ حابارلايدى "ادىرنا" ۇلتتىق پورتالى Zakon.kz-كە سىلتەمە جاساپ.
بۇل تۋرالى اقپاراتتى استانا قالالىق پوليتسيا دەپارتامەنتىنىڭ ءباسپاسوز قىزمەتى راستادى.
الەۋمەتتىك جەلىلەردە تاراعان مالىمەتتەرگە سايكەس، ايەل ادامعا ءتورت رەت پىشاق سالىنعان، ءارى بۇل وقيعا بالاسىنىڭ كوز الدىندا بولعان. الدىن الا اقپارات بويىنشا، قاندى وقيعاعا وتباسىلىق جانجال سەبەپ بولعان.
پوليتسيا مالىمەتىنشە، ەر ادام ايەلگە پىشاق جاراقاتىن سالىپ،
قازا بولعان ايەلدىڭ ارتىندا ەكى بالاسى قالعانى بەلگىلى.
اتالعان دەرەك بويىنشا كىسى ءولتىرۋ بابى بويىنشا قىلمىستىق ءىس قوزعالدى. قازىرگى ۋاقىتتا وقيعانىڭ ءمان-جايىن انىقتاۋ ماقساتىندا جان-جاقتى تەرگەۋ جۇمىستارى جۇرگىزىلۋدە. تەرگەۋدىڭ باسقا مالىمەتتەرىن قر قىلمىستىق-پروتسەستىك كودەكسىنىڭ 201-بابىنا سايكەس جاريالاۋعا بولمايدى.
