اقش بۇۇ جارعىسىن جانە حالىقارالىق قۇقىقتى بۇزدى. بۇل تۋرالى يران يسلام رەسپۋبليكاسىنىڭ سىرتقى ىستەر ءمينيسترى ابباس اراگچي مالىمدەدى، دەپ حابارلايدى «ادىرنا» ءتىلشىسى.
ايتۋىنشا، يراننىڭ بەيبىت يادرولىق نىساندارىنا جاسالعان شابۋىل – ورەسكەل ارەكەت.
«بەيبىت يادرولىق نىساندارىمىزعا جاسالعان اگرەسسيا اقش-تىڭ ءيزرايلدىڭ يرانعا قارسى اسكەري شابۋىلىن جوسپارلاۋعا جانە جۇزەگە اسىرۋعا قىلمىستىق تۇردە قاتىسقانىن اشكەرەلەدى»، – دەلىنگەن مالىمدەمەدە.
ول سونداي-اق بۇل جاعدايدىڭ الداعى ۋاقىتتا كۇردەلى سالدارعا اكەلۋى مۇمكىن ەكەنىن اتاپ ءوتتى.
مينيستر يران ءوز ۇلتتىق مۇددەلەرىن قورعاۋ ءۇشىن بارلىق مۇمكىن شارانى قولدانۋ قۇقىعىن وزىندە قالدىراتىنىن مالىمدەدى.
ال يران اتوم ەنەرگەتيكاسى ۇيىمىنىڭ باسشىسى موحامماد ەسلامي ماگاتە باس ديرەكتورى رافاەل گروسسيگە حات جولداپ، ۇيىمدى ارەكەتسىزدىك پەن بەيقامدىق تانىتتى دەپ ايىپتادى. سونداي-اق اقش-تىڭ ارەكەتىن رەسمي تۇردە ايىپتاۋعا شاقىردى.
ەسكە سالايىق، 22 ماۋسىمعا قاراعان ءتۇنى اقش اۋە اسكەري كۇشتەرى فوردو، ناتانز جانە يسفاحانداعى نىساندارعا شابۋىل جاساعان ەدى.
