6 قىركۇيەكتە ۋكراينا پرەزيدەنتى ۆلاديمير زەلەنسكي كيەۆتە اقش كوشباسشىسىنىڭ ارنايى وكىلى ستيۆ ۋيتكوفف جانە دونالد ترامپتىڭ كۇيەۋ بالاسى دجارەد كۋشنەرمەن وتكەن كەلىسسوزدەردە سوعىستى اياقتاۋدىڭ ىقتيمال شارتتارى، ۋكرايناعا بەرىلەتىن قاۋىپسىزدىك كەپىلدىكتەرى، ەكونوميكالىق قولداۋ جانە اۋماقتىق ماسەلە تالقىلانعانىن مالىمدەدى. بۇل تۋرالى DW جازدى، دەپ حابارلايدى «ادىرنا» ءتىلشىسى.
ۆلاديمير زەلەنسكيدىڭ سوزىنشە، كيەۆ سوعىس قيمىلدارى قىستا دا جالعاسادى دەگەن ۇستانىمدا. سوندىقتان ۋكراينا سەرىكتەستەرىنەن جاڭا كومەك پاكەتىن كۇتەدى.
ء«بىز امەريكالىق سەرىكتەستەرمەن كەلىسىمگە كەلە الامىز دەپ ۇمىتتەنەمىز. ەگەر سوعىس قىستا جالعاساتىن بولسا، ەۋروپالىق سەرىكتەستەرىمىزدىڭ قولداۋىنا سەنەمىز. ازىرگە جاعداي وسىلاي كورىنىپ تۇر»، — دەدى ول.
سونداي-اق زەلەنسكي تاراپتار اۋماقتىق ماسەلەنى دە قوزعاعانىن ايتتى.
«مەن كۇردەلى ماسەلەلەر تەك كوشباسشىلار دەڭگەيىندە شەشىلەدى دەگەن پىكىرىمدە قالامىن»، — دەدى ۋكراينا پرەزيدەنتى.
5 قىركۇيەكتە اق ءۇي باسشىسىنىڭ ارنايى وكىلدەرى ماسكەۋدە رەسەي پرەزيدەنتى ۆلاديمير پۋتينمەن كەزدەسكەن بولاتىن. اقش پرەزيدەنتى اكىمشىلىگى بۇل كەلىسسوزدەردى «مازمۇندى ءوتتى» دەپ باعالاعان.
ايتا كەتەيىك، ماسكەۋ مەن ۆاشينگتون اراسىنداعى كەلىسسوزدەر بىرنەشە ايلىق ۇزىلىستەن كەيىن قايتا جالعاستى. ءۇزىلىس اقش پەن ءيزرايلدىڭ يرانعا جاسالعان شابۋىلدارعا «الاڭداۋىنا» بايلانىستى تۋىنداعان ەدى.
