6 qyrküiekte Ukraina prezidentı Vladimir Zelenskii Kievte AQŞ köşbasşysynyŋ arnaiy ökılı Stiv Uitkoff jäne Donald Tramptyŋ küieu balasy Djared Kuşnermen ötken kelıssözderde soǧysty aiaqtaudyŋ yqtimal şarttary, Ukrainaǧa berıletın qauıpsızdık kepıldıkterı, ekonomikalyq qoldau jäne aumaqtyq mäsele talqylanǧanyn mälımdedı. Būl turaly DW jazdy, dep habarlaidy «Adyrna» tılşısı.
Vladimir Zelenskiidıŋ sözınşe, Kiev soǧys qimyldary qysta da jalǧasady degen ūstanymda. Sondyqtan Ukraina serıktesterınen jaŋa kömek paketın kütedı.
«Bız amerikalyq serıktestermen kelısımge kele alamyz dep ümıttenemız. Eger soǧys qysta jalǧasatyn bolsa, europalyq serıktesterımızdıŋ qoldauyna senemız. Äzırge jaǧdai osylai körınıp tūr», — dedı ol.
Sondai-aq Zelenskii taraptar aumaqtyq mäselenı de qozǧaǧanyn aitty.
«Men kürdelı mäseleler tek köşbasşylar deŋgeiınde şeşıledı degen pıkırımde qalamyn», — dedı Ukraina prezidentı.
5 qyrküiekte Aq üi basşysynyŋ arnaiy ökılderı Mäskeude Resei prezidentı Vladimir Putinmen kezdesken bolatyn. AQŞ prezidentı äkımşılıgı būl kelıssözderdı «mazmūndy öttı» dep baǧalaǧan.
Aita keteiık, Mäskeu men Vaşington arasyndaǧy kelıssözder bırneşe ailyq üzılısten keiın qaita jalǧasty. Üzılıs AQŞ pen İzraildıŋ İranǧa jasalǧan şabuyldarǧa «alaŋdauyna» bailanysty tuyndaǧan edı.
