AQŞ BŪŪ Jarǧysyn jäne halyqaralyq qūqyqty būzdy. Būl turaly İran İslam Respublikasynyŋ syrtqy ıster ministrı Abbas Aragchi mälımdedı, dep habarlaidy «Adyrna» tılşısı.
Aituynşa, İrannyŋ beibıt iadrolyq nysandaryna jasalǧan şabuyl – öreskel äreket.
«Beibıt iadrolyq nysandarymyzǧa jasalǧan agressiia AQŞ-tyŋ İzraildıŋ İranǧa qarsy äskeri şabuylyn josparlauǧa jäne jüzege asyruǧa qylmystyq türde qatysqanyn äşkereledı», – delıngen mälımdemede.
Ol sondai-aq būl jaǧdaidyŋ aldaǧy uaqytta kürdelı saldarǧa äkeluı mümkın ekenın atap öttı.
Ministr İran öz ūlttyq müddelerın qorǧau üşın barlyq mümkın şarany qoldanu qūqyǧyn özınde qaldyratynyn mälımdedı.
Al İran Atom energetikasy ūiymynyŋ basşysy Mohammad Eslami MAGATE bas direktory Rafael Grossige hat joldap, ūiymdy äreketsızdık pen beiqamdyq tanytty dep aiyptady. Sondai-aq AQŞ-tyŋ äreketın resmi türde aiyptauǧa şaqyrdy.
Eske salaiyq, 22 mausymǧa qaraǧan tünı AQŞ äue äskeri küşterı Fordo, Natanz jäne İsfahandaǧy nysandarǧa şabuyl jasaǧan edı.
