بۇگىن باتىس قازاقستان وبلىسىنىڭ اكىمى ناريمان تورەعاليەۆ 13-15 ماۋسىم كۇندەرى اقش-تىڭ ۆۋستەر قالاسىندا وتكەن WPI Annual FIRST LEGO League (FLL) (WAFFLE) حالىقارالىق روبوتوتەحنيكا چەمپيوناتىنىڭ قاتىسۋشىلارى – ورال قالاسىنداعى نازارباەۆ زياتكەرلىك مەكتەبىنىڭ وقۋشىلارىمەن كەزدەستى.
Tidal Tumble كومانداسى قازاقستان اتىنان 108 ەلدەن كەلگەن 650 كوماندانىڭ اراسىندا ونەر كورسەتىپ، Engineering Excellence Awards نوميناتسياسى بويىنشا II ورىن، Robot Performance نوميناتسياسى بويىنشا VI ورىندى يەلەندى.
جاس ونەرتاپقىشتار اۋادان ىشۋگە جارامدى سۋ الۋعا مۇمكىندىك بەرەتىن قۇرىلعى - «Agua Aeris» جوباسىن تانىستىردى. بۇل جوبا قازاقستاندىق جاستاردىڭ تەحنيكالىق ءبىلىمىنىڭ تەرەڭدىگىن جانە ينجەنەرلىك شەبەرلىكتىڭ جوعارى دەڭگەيىن كورسەتەدى.
جەڭىمپازداردى قۇتتىقتاي وتىرىپ، ن.تورەعاليەۆ جاڭا بۋىن
«بۇگىن سىزدەر مىڭداعان زامانداستارىڭىزعا ۇلگى بولدىڭىزدار. بۇل جاي عانا بايقاۋداعى جەڭىس ەمەس، بۇل – ەل بولاشاعىنا قوسىلعان ۇلەس. مەملەكەت باسشىسى اتاپ وتكەندەي: «قازاقستاننىڭ بولاشاعى – ينتەللەكتۋالدى، كرەاتيۆتى ءارى ءبىلىمدى ۇرپاقپەن تىعىز بايلانىستى. وسىنداي جاس تالانتتار – ءبىزدىڭ باستى كاپيتالىمىز»، – دەدى ءوڭىر باسشىسى.
ناريمان تورەعاليەۆ جەتى جىل بويى جەڭىمپازداردى دايىنداپ، وبلىستىڭ ءبىلىم بەرۋ ورتاسىنا ينجەنەرلىك ويلاۋ مادەنيەتىن ەنگىزىپ كەلە جاتقان كوماندانىڭ تالىمگەرى ارمات ماقسوتوۆقا العىسىن ءبىلدىردى.
كەزدەسۋ سوڭىندا ءوڭىر باسشىسى قاتىسۋشىلارعا العىس حاتتار تابىستاپ، ولارعا حالىقارالىق دەڭگەيدە جاڭا جەڭىستەر تىلەدى.
