پرەزيدەنت قاسىم-جومارت توقاەۆ سۋديالار مەن سوت قىزمەتكەرلەرىن مەرەكەمەن قۇتتىقتادى. بۇل تۋرالى اقوردا جازدى، دەپ حابارلايدى "ادىرنا".
پرەزيدەنت بيىلعى جىلدى سوت تورەلىگىن اتقارۋعا جاۋاپتى ازاماتتار ءۇشىن ايرىقشا ماڭىزدى جىل ەكەنىن، 30 جىل بۇرىن ەلدىڭ اتا زاڭى قابىلدانعانىن ايتتى.
توقاەۆ قۋاتتى ءارى تاۋەلسىز سوت جۇيەسى قۇقىق ۇستەمدىگىن قامتاماسىز ەتۋ، سونداي-اق «زاڭ جانە ءتارتىپ» قاعيداتىن ورنىقتىرۋ ىسىندە شەشۋشى ءرول اتقاراتىنىن، سول سەبەپتى ەلدە بۇل سالادا جۇيەلى تۇردە رەفورما جۇرگىزىلىپ كەلگەنىن اتاپ ءوتتى.
«سوت ءىسى جەتىلدىرىلىپ، باسقارۋ ۇدەرىستەرى وڭتايلاندىرىلىپ، وسى سالاعا تسيفرلىق تەحنولوگيالار ەنگىزىلىپ جاتىر. 1 شىلدەدەن باستاپ قىلمىستىق، ازاماتتىق جانە اكىمشىلىك ىستەر جونىندەگى ءۇش دەربەس كاسساتسيالىق سوت جۇمىس ىستەي باستايدى. بۇل قادام ازاماتتاردىڭ جانە بيزنەستىڭ ءوز قۇقىقتارى
سونىمەن بىرگە حالىقتىڭ ادىلدىككە سەنىمىن قالىپتاستىرۋدا سۋديالاردىڭ اتقاراتىن ءرولى زور ەكەنىن ايتتى.
«جۇرتشىلىقتىڭ ادىلدىككە دەگەن سەنىمى كوبىنەسە سۋديالاردىڭ كاسىبي بىلىكتىلىگىنە، كەز كەلگەن ءىستى قاراعان كەزدە ۇستانىمىنا بەرىك بولىپ، بەيتاراپتىق تانىتا الۋىنا تىكەلەي بايلانىستى. وسى ماڭىزدى ءارى جاۋاپتى ميسسيا تەرەڭ قۇقىقتىق ءبىلىمدى، زاڭ ۇستەمدىگىن ۇنەمى بارىنەن بيىك قويۋدى تالاپ ەتەدى. سوت قىزمەتكەرلەرى مەن ارداگەرلەرىنە قاجىرلى ەڭبەگى مەن ءوز كاسىبىنە ادالدىعى ءۇشىن شىنايى ريزاشىلىعىمدى بىلدىرەمىن. سىزدەر ادىلەتتى قازاقستاندى قۇرۋ ىسىنە ولشەۋسىز ۇلەس قوسا بەرەسىزدەر دەپ سەنەمىن! بارشاڭىزعا زور دەنساۋلىق، باق-بەرەكە، تولاعاي تابىس تىلەيمىن!» – دەدى توقاەۆ.
