Prezident Qasym-Jomart Toqaev Sudialar men sot qyzmetkerlerın merekemen qūttyqtady. Būl turaly Aqorda jazdy, dep habarlaidy "Adyrna".
Prezident biylǧy jyldy sot törelıgın atqaruǧa jauapty azamattar üşın airyqşa maŋyzdy jyl ekenın, 30 jyl būryn eldıŋ Ata zaŋy qabyldanǧanyn aitty.
Toqaev quatty ärı täuelsız sot jüiesı qūqyq üstemdıgın qamtamasyz etu, sondai-aq «Zaŋ jäne tärtıp» qaǧidatyn ornyqtyru ısınde şeşuşı röl atqaratynyn, sol sebeptı elde būl salada jüielı türde reforma jürgızılıp kelgenın atap öttı.
«Sot ısı jetıldırılıp, basqaru üderısterı oŋtailandyrylyp, osy salaǧa sifrlyq tehnologiialar engızılıp jatyr. 1 şıldeden bastap qylmystyq, azamattyq jäne äkımşılık ıster jönındegı üş derbes kassasiialyq sot jūmys ıstei bastaidy. Būl qadam azamattardyŋ jäne biznestıŋ öz qūqyqtary men zaŋdy müddelerın qorǧauǧa arnalǧan institusionaldyq mümkındıgın edäuır attyrady», – dedı prezident.
Sonymen bırge halyqtyŋ ädıldıkke senımın qalyptastyruda sudialardyŋ atqaratyn rölı zor ekenın aitty.
«Jūrtşylyqtyŋ ädıldıkke degen senımı köbınese sudialardyŋ käsıbi bılıktılıgıne, kez kelgen ıstı qaraǧan kezde ūstanymyna berık bolyp, beitaraptyq tanyta aluyna tıkelei bailanysty. Osy maŋyzdy ärı jauapty missiia tereŋ qūqyqtyq bılımdı, zaŋ üstemdıgın ünemı bärınen biık qoiudy talap etedı. Sot qyzmetkerlerı men ardagerlerıne qajyrly eŋbegı men öz käsıbıne adaldyǧy üşın şynaiy rizaşylyǧymdy bıldıremın. Sızder Ädılettı Qazaqstandy qūru ısıne ölşeusız üles qosa beresızder dep senemın! Barşaŋyzǧa zor densaulyq, baq-bereke, tolaǧai tabys tıleimın!» – dedı Toqaev.
