ازەربايجان سىرتقى ىستەر مينيسترلىگى يراننىڭ ارمەنياداعى ەلشىسى مەحدي سوبحانيدىڭ ازەربايجان اۋماعى يرانعا قارسى قولدانىلىپ جاتىر دەگەن مالىمدەمەسىن قاتاڭ تۇردە جوققا شىعاردى، دەپ حابارلايدى "ادىرنا" ۇلتتىق پورتالى.
بۇل تۋرالى مينيسترلىكتىڭ ءباسپاسوز حاتشىسى ايحان گادجيزادە مالىمدەدى.
ونىڭ ايتۋىنشا، ەلشى تاراپىنان ايتىلعان “يزرايلدىك درونداردىڭ ازەربايجان جەرىنەن يرانعا شابۋىل جاساعانى” تۋرالى ايىپتاۋلار ەكى ەل اراسىنداعى ءوزارا قۇرمەتكە نەگىزدەلگەن قارىم-قاتىناسقا نۇقسان كەلتىرەدى.
“جاقىندا ازەربايجان پرەزيدەنتى مەن يران پرەزيدەنتىنىڭ، سونداي-اق سىرتقى ىستەر مينيسترلەرىنىڭ تەلەفون ارقىلى سويلەسۋى بارىسىندا بۇل ماسەلەلەر
باكۋ رەسمي تۇردە ازەربايجان اۋماعىنىڭ نەمەسە اۋە كەڭىستىگىنىڭ ءۇشىنشى مەملەكەت تاراپىنان يرانعا قارسى اسكەري ماقساتتا قولدانىلعانى تۋرالى مالىمدەمەلەردى دالەلسىز جانە نەگىزسىز دەپ اتاپ ءوتتى.
ءسىم وكىلى يران تاراپىنان ەكى ەل اراسىنداعى دوستىق قارىم-قاتىناسقا سايكەس كەلمەيتىن مۇنداي ارەكەتتەرگە جول بەرمەۋدى، سونداي-اق ۇنەمى پروارمياندىق كوزقاراس بىلدىرەتىن ەلشىگە قاتىستى ءتيىستى شارالار قابىلداۋدى كۇتەتىنىن ايتتى.
