بۇگىن، 30 ماۋسىمدا پرەزيدەنت قاسىم-جومارت توقاەۆ بىرقاتار زاڭعا قول قويدى، دەپ حابارلايدى «ادىرنا» ءتىلشىسى اقورداعا سىلتەمە جاساپ.
اتاپ ايتساق، مەملەكەت باسشىسى:
«نىسانالى كاپيتال قورلارى جانە ەنداۋمەنت-قورلار (نىسانالى كاپيتالدار) تۋرالى» قازاقستان رەسپۋبليكاسىنىڭ زاڭىنا;
«قازاقستان رەسپۋبليكاسىنىڭ كەيبىر زاڭنامالىق اكتىلەرىنە نىسانالى كاپيتال قورلارىنىڭ جانە ەنداۋمەنت-قورلاردىڭ (نىسانالى كاپيتالداردىڭ) قىزمەتى، سونداي-اق ارال ماڭىنىڭ قازاقستاندىق بولىگىنىڭ ەكولوگيالىق قولايسىز اۋماعى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى»قازاقستان رەسپۋبليكاسىنىڭ زاڭىنا;
«قازاقستان رەسپۋبليكاسىنىڭ اۋماقتىق قورعانىسى تۋرالى» قازاقستان رەسپۋبليكاسىنىڭ زاڭىنا;
«قازاقستان رەسپۋبليكاسىنىڭ كەيبىر زاڭنامالىق اكتىلەرىنە اۋماقتىق قورعانىس ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭىنا;
«قازاقستان رەسپۋبليكاسىنىڭ كەيبىر زاڭنامالىق اكتىلەرىنە قۇقىق قورعاۋ قىزمەتىن جەتىلدىرۋ، قۇقىق قورعاۋ ورگاندارىنىڭ، ارناۋلى مەملەكەتتىك ورگانداردىڭ، ازاماتتىق قورعاۋ ورگاندارىنىڭ قىزمەتكەرلەرىن جانە اسكەري قىزمەتشىلەردى تۇرعىن ۇيمەن قامتاماسىز ەتۋ جانە الەۋمەتتىك قورعاۋ، سونداي-اق ىشكى ىستەر ورگاندارىنىڭ قىزمەتى سالاسىندا ارتىق زاڭنامالىق رەگلامەنتتەۋدى بولعىزباۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭىنا;
«قازاقستان رەسپۋبليكاسىنىڭ كەيبىر زاڭنامالىق اكتىلەرىنە تۇرعىن ءۇي قۇرىلىسىنا ۇلەستىك قاتىسۋ، اۆتوموبيل جولدارى جانە مۇگەدەكتىگى بار ادامداردى تاسىمالداۋ جونىندەگى قىزمەتتەردى كورسەتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى»قازاقستان رەسپۋبليكاسىنىڭ زاڭىنا;
«قازاقستان رەسپۋبليكاسىنىڭ كەيبىر زاڭنامالىق اكتىلەرىنە قارجى نارىعىن دامىتۋ، قارجىلىق كورسەتىلەتىن قىزمەتتەردى تۇتىنۋشىلاردىڭ قۇقىقتارىن قورعاۋ، بايلانىس جانە ارتىق زاڭنامالىق رەگلامەنتتەۋدى بولعىزباۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭىنا قول قويدى.
«قازاقستان رەسپۋبليكاسىنىڭ اۋماقتىق قورعانىسى تۋرالى» زاڭ اۋماقتىق قورعانىستى ماتەريالدىق تۇرعىدان قامتاماسىز ەتۋ ماسەلەلەرىن رەتتەيدى. قورعانىس مينيسترلىگىنە ءتيىستى فۋنكتسيالار بەرە وتىرىپ، اتالعان سالاعا مەملەكەتتىك باقىلاۋ ەنگىزىلدى. قۇجات اۋماقتىق قورعانىستىڭ ءتيىمدى جۇيەسىن قالىپتاستىرۋعا جانە توتەنشە جاعدايلار كەزىندە حالىقتىڭ قاۋىپسىزدىگىن قامتاماسىز ەتۋگە باعىتتالعان.
«قازاقستان رەسپۋبليكاسىنىڭ كەيبىر زاڭنامالىق اكتىلەرىنە تۇرعىن ءۇي قۇرىلىسىنا ۇلەستىك قاتىسۋ، اۆتوموبيل جولدارى جانە مۇگەدەكتىگى بار ادامداردى تاسىمالداۋ جونىندەگى قىزمەتتەردى كورسەتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ ازاماتتىق، قىلمىستىق، قىلمىستىق-پروتسەستىك، ازاماتتىق پروتسەستىك جانە الەۋمەتتىك كودەكستەرگە، سونداي-اق 14 زاڭعا تۇزەتۋلەر ەنگىزدى. تۇزەتۋلەردىڭ ءبىرىنشى بلوگى ۇلەستىك قۇرىلىس پروتسەستەرىنىڭ زاڭدىلىعى مەن اشىقتىعىن قامتاماسىز ەتۋگە، ۇلەسكەرلەردىڭ قۇقىقتارى مەن زاڭدى مۇددەلەرىن قورعاۋعا باعىتتالعان.
تۇزەتۋلەردىڭ ەكىنشى بلوگىندا ينۆاتاكسي پيلوتتىق جوباسىن جاپپاي قولدانىسقا ەنگىزۋ كوزدەلگەن. الەۋمەتتىك قىزمەتتەر پورتالىندا قولجەتىمدى قىزمەتتەر ساناتىنا مۇگەدەك جانداردى ينۆاتاكسيمەن تاسىمالداۋ قىزمەتى ەنگىزىلدى. ياعني مۇگەدەكتىگى بار ادامدار وزدەرىنىڭ ەرەكشە قاجەتتىلىگىنە بايلانىستى كولىك شاقىرۋعا مۇمكىندىك الدى. وسىلايشا ولاردىڭ ەركىن ءجۇرىپ-تۇرۋى قامتاماسىز ەتىلەدى. تۇزەتۋلەردىڭ ءۇشىنشى بلوگى اۆتوموبيل جولدارىنىڭ ساپاسىن ارتتىرۋعا باعىتتالعان.
ودان بولەك، پرەزيدەنت "قازاقستان رەسپۋبليكاسىنىڭ ىشكى ىستەر ورگاندارى تۋرالى", "قۇقىق قورعاۋ قىزمەتى تۋرالى", "تۇرعىن ءۇي قاتىناستارى تۋرالى", "قۇقىق بۇزۋشىلىقتىڭ الدىن الۋ تۋرالى", "داكتيلوسكوپيالىق جانە گەنومدىق تىركەۋ تۋرالى" جانە باسقا دا زاڭدارعا تۇزەتۋلەر ەنگىزدى.
