الماتى قالاسىنداعى "باعاناشىل" بالالار ءۇيىنىڭ تاربيەلەنۋشىلەرى كەزەكتى بەينەۇندەۋ جولداپ، بيلىكتەن ۋادەلەرىن ورىنداۋدى سۇرادى، دەپ حابارلايدى "ادىرنا" ۇلتتىق پورتالى.
ولار جوندەۋ جۇمىستارى كەزىندە ءبىر-بىرىنەن اجىراتپاۋ تۋرالى ۋادە ەستەرىنە سالىپ، قازىر بۇل سوزدەرگە قاراما-قايشى اقپاراتتار تارالىپ جاتقانىن ايتىپ دابىل قاقتى.
ء"بىز سىزدەردەن وتىنەمىز، وتباسىمىزدى بىرگە قالدىرىڭىزدار. سەبەبى سىزدەر بىزگە جوندەۋ كەزىندە ەشكىمدى اجىراتپايمىز دەپ ۋادە بەرگەن ەدىڭىزدەر. ال قازىر بىزگە مۇلدە باسقا اقپاراتتار كەلىپ جاتىر", – دەيدى بالالار ۆيدەوۇندەۋدە.
تاربيەلەنۋشىلەر ماسەلەنى شەشۋدىڭ ءوز ۇسىنىسىن دا ايتتى. ولار بوس تۇرعان ەكىنشى كورپۋستان جوندەۋدى باستاپ، كەيىن سول جەرگە بارلىق بالالاردى ۋاقىتشا كوشىرۋدى ۇسىنادى. سودان سوڭ نەگىزگى عيماراتتىڭ جوندەۋىنە كوشۋگە بولادى دەپ ەسەپتەيدى.
"ەگەر سىزدەر ەڭ ءتيىمدى جولدى ىزدەسەڭىزدەر، بۇل – ەڭ دۇرىس نۇسقا", – دەپ اتاپ ءوتتى بالالار.
