1 تامىزدا مەيىرلان راحانوۆ اباي وبلىسى اكىمىنىڭ ورىنباسارى قىزمەتىنە تاعايىندالدى، دەپ حابارلايدى "ادىرنا" ۇلتتىق پورتالى.
وسىعان دەيىن ول قازاقستان رەسپۋبليكاسى اقپارات جانە قوعامدىق دامۋ مينيسترلىگىنە قاراستى اقپارات كوميتەتىنىڭ توراعاسى قىزمەتىن اتقارعان. اتالعان قىزمەتتەن جاقىندا بوساتىلعان بولاتىن.
مەيرلان راحانوۆ 1988 جىلى قاراعاندى وبلىسىندا دۇنيەگە كەلگەن. قاراعاندى ەكونوميكالىق ۋنيۆەرسيتەتىن تامامداعان.
ەڭبەك جولىن 2011 جىلى قاراعاندى قالاسى اكىمدىگىنىڭ ىشكى ساياسات بولىمىندە باستاعان. 2012 جىلى قاراعاندى وبلىستىق سالىق باسقارماسىندا جەتەكشى مامان بولىپ قىزمەت ەتتى. كەيىن قاراعاندى وبلىسى اكىمدىگىنىڭ ىشكى ساياسات باسقارماسىندا باس مامان لاۋازىمىندا جۇمىس ىستەگەن.
2013–2016 جىلدارى قر اقپارات كوميتەتىنىڭ ءباسپاسوز باسىلىمدارى باسقارماسىندا ساراپشى، باس ساراپشى رەتىندە ەڭبەك ەتتى. 2016 جىلدان 2021 جىلعا دەيىن قازاقستان رەسپۋبليكاسى پرەزيدەنتىنىڭ ءباسپاسوز قىزمەتىندە ساراپشى، كونسۋلتانت، ينسپەكتور لاۋازىمدارىن اتقاردى.
2021 جىلدىڭ شىلدەسىنەن 2023 جىلدىڭ جەلتوقسانىنا دەيىن پرەزيدەنت ءباسپاسوز قىزمەتىنىڭ سەكتور مەڭگەرۋشىسى بولدى. 2024 جىلدىڭ قاڭتار ايىندا اقپارات جانە قوعامدىق دامۋ مينيسترلىگى جانىنداعى اقپارات كوميتەتىنىڭ توراعاسى قىزمەتىنە تاعايىندالعان.
