الەۋمەتتىك جەلىلەر مەن مەسسەندجەرلەردە قازاقستان ازاماتتارىنا 1949–2010 جىلدار ارالىعىندا تۋعانى ءۇشىن 70 مىڭ تەڭگە كولەمىندە تولەم قاراستىرىلعانى تۋرالى اقپارات تاراپ جاتىر. الايدا بۇل مالىمەت شىندىققا جاناسپايدى، دەپ حابارلايدى "ادىرنا" ۇلتتىق پورتالى.
بۇل تۋرالى ەڭبەك جانە حالىقتى الەۋمەتتىك قورعاۋ مينيسترلىگى مالىمدەگەن.
ۆەدومستۆونىڭ حابارلاۋىنشا، بەلگىسىز تۇلعالار ازاماتتارعا سىلتەمە ارقىلى ءوتىپ، جەكە دەرەكتەرىن ەنگىزۋدى ۇسىنىپ، جالعان ۋادە بەرۋدە.
"الەۋمەتتىك جەلىلەر مەن مەسسەندجەرلەردە تارالعان بۇل اقپارات شىندىققا سايكەس كەلمەيدى. مۇنداي الەۋمەتتىك كومەك ءتۇرى مۇلدەم جوق. سىلتەمە ارقىلى ءوتۋ — الاياقتاردىڭ جەكە اقپاراتتى ۇرلاۋىنا جول اشۋى مۇمكىن", — دەلىنگەن مينيسترلىك مالىمدەمەسىندە.
مينيسترلىك ازاماتتارعا تەك رەسمي دەرەككوزدەرگە سەنۋدى جانە بەيتانىس سىلتەمەلەرگە وتپەۋدى ەسكەرتتى.
"مەملەكەتتىك قولداۋعا قاتىستى رەسمي اقپارات تەك 1414 قىسقا نومىرىنەن سمس-حابارلاما ارقىلى جىبەرىلەدى. جالعان اقپارات تاراتۋ زاڭمەن جازالانادى", — دەپ ەسكەرتتى ەڭبەك جانە حالىقتى الەۋمەتتىك قورعاۋ مينيسترلىگى.
