پرەزيدەنت قاسىم-جومارت توقاەۆ قازاقستاننىڭ تايلاندتاعى ەلشىسىن تاعايىندادى. بۇل تۋرالى بۇگىن، 7 تامىزدا اقوردانىڭ ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.
«مەملەكەت باسشىسىنىڭ جارلىعىمەن مارعۇلان باقىتۇلى بايمۇحان قازاقستان رەسپۋبليكاسىنىڭ تايلاند كورولدىگىندەگى توتەنشە جانە وكىلەتتى ەلشىسى، بۇۇ ازيا مەن تىنىق مۇحيتقا ارنالعان ەكونوميكالىق جانە الەۋمەتتىك كوميسسياسى (ەسكاتو) جانىنداعى قازاقستان رەسپۋبليكاسىنىڭ تۇراقتى وكىلى بولىپ تاعايىندالدى»،—دەلىنگەن حابارلامادا.
بۇعان دەيىن مارعۇلان بايمۇحان قازاقستان رەسپۋبليكاسىنىڭ بەلگيا كورولدىگىندەگى توتەنشە جانە وكىلەتتى ەلشىسى، ەۋروپا وداعىنىڭ جانىنداعى جانە سولتۇستىك اتلانت شارتى ۇيىمىنداعى (ناتو) قازاقستان رەسپۋبليكاسى وكىلدىگىنىڭ باسشىسى، قازاقستان رەسپۋبليكاسىنىڭ ليۋكسەمبۋرگ ۇلى گەرتسوگتىگىندەگى توتەنشە جانە وكىلەتتى ەلشىسى قىزمەتىن قوسا اتقارۋشى لاۋازىمدارىنان بوساتىلعان ەدى.
