بۇگىن، 24 قاراشا كۇنى اكوردادا قازاقستان پرەزيدەنتى قاسىم-جومارت توقاەۆقا التى مەملەكەتتەن كەلگەن توتەنشە جانە وكىلەتتى ەلشىلەردىڭ سەنىم گراموتالارى تابىس ەتىلدى، دەپ حابارلايدى "ادىرنا".
رەسمي اقپاراتقا سايكەس، سەنىم گراموتالارىن كەلەسى ەلدەردىڭ ەلشىلەرى بەردى:
- يزرايل مەملەكەتىنىڭ ەلشىسى يواۆ بىستريتسكي;
- قىرعىز رەسپۋبليكاسىنىڭ ەلشىسى قۇدايبەرگەن بازارباەۆ;
- كۋبا رەسپۋبليكاسىنىڭ ەلشىسى الفرەدو فەدەل نيەۆەس پورتۋوندو;
- ليۆان رەسپۋبليكاسىنىڭ ەلشىسى دجوردج ابۋ زەيد;
- زيمبابۆە رەسپۋبليكاسىنىڭ ەلشىسى مارك گرەي مارونگۆە;
- سومالي فەدەراتيۆتىك رەسپۋبليكاسىنىڭ ەلشىسى فاتحۋدين الي موحامەد تاپسىردى.
پرەزيدەنت قازاقستان بارلىق مەملەكەتپەن دوستىق قارىم-قاتىناس ورناتقان بەيبىت ەل ەكەنىنە توقتالدى.
سونداي-اق قاسىم-جومارت توقاەۆ قازاقستاننىڭ ىشكى ساياساتىندا قولعا الىنعان باستامالار جونىندە اڭگىمەلەدى. بۇل جۇمىستار ادىلەتتى قازاقستاندى قۇرۋعا، "زاڭ جانە ءتارتىپ" قاعيداتىنا نەگىزدەلگەنىن ايتتى.
مەملەكەت باسشىسى ەلشىلەردى ديپلوماتيالىق ميسسيالارىنىڭ رەسمي تۇردە باستالۋىمەن قۇتتىقتاپ، قازاقستان تاراپى ولاردىڭ قىزمەتىنە جان-جاقتى قولداۋ كورسەتۋگە دايىن ەكەنىن جەتكىزدى.
ۇقساس جاڭالىقتار
