ريم پاپاسى لەۆ XIV-ءتىڭ اتىنان ر.ب.سۇلەيمەنوۆ اتىنداعى شىعىستانۋ ينستيتۋتىنىڭ ۇجىمىنا العىس حات كەلىپ ءتۇستى، دەپ حابارلايدى «ادىرنا» ءتىلشىسى.
اتالعان حاتتا پاپانىڭ اتىنان سويلەگەن ۆاتيكان مەملەكەتتىك حاتشىسىنىڭ ورىنباسارى، ارحيەپيسكوپ ەدگار پەنيا پاررا پروفەسسور، عىلىم دوكتورى دۇكەن ءماسىمحانۇلىنا جانە ينستيتۋت ۇجىمىنا شىنايى ريزاشىلىعىن بىلدىرگەن.
«مەن جوعارى قاسيەتتى ريم پاپاسى لەۆ XIV-ءتىڭ اتىنان ونىڭ جوعارعى پاپا بولىپ سايلانۋىنا وراي ر.ب.سۇلەيمەنوۆ اتىنداعى شىعىستانۋ ينستيتۋتىنىڭ ۇجىمى اتىنان جولداعان جىلى لەبىزدەرىڭىز ءۇشىن سىزگە جانە ينستيتۋت ۇجىمىنا شىنايى العىسىمدى ايتامىن.
ريم پاپاسى وسىنداي قۇرمەت كورسەتكەندەرىڭىز ءۇشىن شەكسىز ريزاشىلىعىن بىلدىرەدى جانە سىزگە ءوزىنىڭ ىزگى تىلەگىن جولدايدى. بارشاڭىزعا جاراتۋشى يەمىزدىڭ كوپتەگەن نىعمەتىن شىن جۇرەكپەن تىلەيدى»،—دەلىنگەن حاتتا.
