شىمكەنت قالاسىندا «تازا قازاقستان» رەسپۋبليكالىق ەكولوگيالىق اكتسياسى اياسىندا اۋقىمدى جالپىقالالىق تازالىق شاراسى ۇيىمداستىرىلدى. شارانىڭ باستى ماقساتى — قالا اۋماعىن تازارتۋ، كوگالداندىرۋ جانە تۇرعىندار اراسىندا ەكولوگيالىق مادەنيەتتى قالىپتاستىرۋ.
تازالىق جۇمىستارىنا قالا تۇرعىندارىنان بولەك قالالىق باسقارمالار، مەملەكەتتىك مەكەمەلەر، وقۋ ورىندارى مەن ءتۇرلى ۇيىمداردىڭ قىزمەتكەرلەرى قاتىستى. ءاربىر مەكەمەگە الدىن الا بەلگىلەنگەن اۋماقتار ءبولىنىپ، تازالىق جۇمىستارى جۇيەلى تۇردە جۇرگىزىلدى. قاتىسۋشىلار كوشەلەر مەن اۋلالاردى، ارىق-اتىزداردى، قوعامدىق ورىنداردى قوقىستان تازارتىپ، جاسىل جەلەكتەردىڭ اينالاسىن رەتكە كەلتىردى.
مۇنداي اكتسيالار تۇرعىنداردىڭ تابيعاتقا دەگەن جاۋاپكەرشىلىگىن ارتتىرىپ، ەكولوگيالىق مادەنيەتتى قالىپتاستىرۋدا ماڭىزدى ءرول اتقارادى. سونىمەن قاتار، بۇل باستاما ەل ازاماتتارىن تۋعان ولكەنىڭ تازالىعى مەن كوركەيۋىنە ءوز ۇلەسىن قوسۋعا ۇندەيدى.
«تابيعاتتى قورعاۋ - ءار ازاماتتىڭ ازاماتتىق بورىشى. سەنبىلىك - تەك تازالىق شاراسى عانا ەمەس، بۇل قوعامنىڭ ەكولوگيالىق ساناسىن كوتەرۋگە باعىتتالعان ماڭىزدى ءىس،» - دەيدى سەنبىلىككە قاتىسۋشى اقەركە وسكەنبايقىزى.
الداعى ۋاقىتتا مۇنداي سەنبىلىكتەردى تۇراقتى تۇردە ۇيىمداستىرۋدى جوسپارلانىپ وتىر. «تازا قازاقستان» اكتسياسى الداعى ۋاقىتتا دا ءوز جالعاسىن تاۋىپ، قالانىڭ ەكولوگيالىق احۋالىن جاقسارتۋعا ىقپال ەتپەك.
