جاڭاوزەندە بىرنەشە كولىكتىڭ قاتىسۋىمەن جول اپاتى بولدى. Lexus-پەن سوقتىعىسقان Toyota بىرنەشە رەت اۋدارىلىپ كەتتى، دەپ حابارلايدى “ادىرنا” ۇلتتىق پورتالى Lada.kz سايتىنا سىلتەپ.
ماڭعىستاۋ وبلىستىق پوليتسيا دەپارتامەنتىنىڭ مالىمەتىنشە، وقيعا 22 تامىز كۇنى ساعات 10:37-دە قالادا ەڭ كوپ كولىك جۇرەتىن قيىلىستاردىڭ بىرىندە بولعان.
“Lexus جول تالعامايتىن كولىگى Toyota Hilux پيكاپىمەن سوقتىعىسقان. سوققىنىڭ كۇشى سونشالىق، Toyota بىرنەشە رەت اۋدارىلىپ، قيىلىستاعى پاز اۆتوبۋسىن سوققان”، دەپ جازدى Lada.kz.
بۇل وقيعا بەينەباقىلاۋ كامەراسىنا ءتۇسىپ، الەۋمەتتىك جەلىلەردە دەرەۋ تاراپ كەتتى.
پوليتسيانىڭ دەرەگىنشە، قازا تاپقاندار جوق. قازىرگى ۋاقىتتا وقيعانىڭ ءمان-جايىن انىقتاۋ جانە قاتىسۋشىلاردىڭ كىنا دارەجەسىن بەلگىلەۋ بويىنشا تەكسەرۋ جۇرگىزىلىپ جاتىر.
ۇقساس جاڭالىقتار
