اقوردادا قازاقستان پرەزيدەنتى قاسىم-جومارت توقاەۆقا سەگىز مەملەكەتتىڭ توتەنشە جانە وكىلەتتى ەلشىلەرى، سونداي-اق بىرىككەن ۇلتتار ۇيىمىنىڭ وكىلى سەنىم گراموتالارىن تابىس ەتتى، دەپ حابارلايدى "ادىرنا" ۇلتتىق پورتالى.
بۇل تۋرالى اقوردادا حابارلاندى.
سەنىم گراموتالارىن ۋكراينا ەلشىسى – ۆيكتور مايكو، بۇۇ-نىڭ قازاقستانداعى تۇراقتى وكىلى – سارانگوو رادنااراگچاا، ءۇندىستان رەسپۋبليكاسى ەلشىسى – يا.ك. سايلاس تانگال، الجير حالىقتىق دەموكراتيالىق رەسپۋبليكاسى ەلشىسى – وسمان ميحادجي، شۆەتسيا كورولدىگى ەلشىسى – لارس ستەفان ەريكسسون، بەلگيا كورولدىگى ەلشىسى – ەريك دە مايەر، ۇلىبريتانيا جانە سولتۇستىك يرلانديا بىرىككەن كورولدىگى ەلشىسى – ساللي دجەين اكسۋورسي، لاتۆيا رەسپۋبليكاسى ەلشىسى – داتسە رۋتكا، گرۋزيا رەسپۋبليكاسى ەلشىسى – لەۆان دياساميدزە تاپسىردى.
مەملەكەت باسشىسى جاڭا تاعايىندالعان ديپلوماتتاردى قۇتتىقتاپ، قازاقستاننىڭ كوپۆەكتورلى جانە تەڭگەرىمدى سىرتقى ساياسات ۇستانىپ كەلە جاتقانىن اتاپ ءوتتى. ول ەلىمىزدىڭ كونسترۋكتيۆتى ديالوگ پەن ءوزارا ءتيىمدى ىنتىماقتاستىققا ءاردايىم اشىق ەكەنىن جەتكىزدى.
