مەملەكەت باسشىسى قاسىم-جومارت توقاەۆ پرەزيدەنت ەمومالي راحموندى تاجىكستاننىڭ ۇلتتىق مەرەكەسى – تاۋەلسىزدىك كۇنىمەن قۇتتىقتادى. بۇل تۋرالى بۇگىن اقوردا جازدى، دەپ حابارلايدى «ادىرنا» ءتىلشىسى.
– ەلدەرىمىز عاسىرلاردان تامىر تارتاتىن ءداستۇرلى دوستىق پەن ءوزارا قولداۋعا، حالىقتارىمىزدىڭ تۇپكى مۇددەسىنە ارقا سۇيەپ، شىن مانىندە، ستراتەگيالىق سەرىكتەس ءارى وداقتاس رەتىندە قارىم-قاتىناس قۇرا الدى. بىرلەسىپ ەكىجاقتى، سونداي-اق ايماقتىق، حالىقارالىق ىنتىماقتاستىق دەڭگەيىندە قازاق-تاجىك ىقپالداستىعىنىڭ الەۋەتىن تانىتا بەرەتىنىمىزگە سەنىمىم مول، – دەلىنگەن جەدەلحاتتا.
قاسىم-جومارت توقاەۆ ەمومالي راحموننىڭ جاۋاپتى قىزمەتىنە تابىس، ال باۋىرلاس تاجىك حالقىنا باق-بەرەكە تىلەدى.
ۇقساس جاڭالىقتار
