نەپال پرەمەر-ءمينيسترى شارما ولي ەلدەگى جاپپاي تارتىپسىزدىكتەرگە بايلانىستى وتستاۆكاعا كەتتى. بۇل تۋرالى India Today جازدى، دەپ حابارلايدى «ادىرنا» ءتىلشىسى.
ەل پرەزيدەنتى رام چاندرا پاۋدەل ونىڭ ءوتىنىشىن قابىلداپ، جاڭا ۇكىمەت باسشىسىن تاڭداۋدى باستاعان. سونداي-اق ۇلتتىق-دەموكراتيالىق پارتيانىڭ بارلىق مۇشەسى دە وتستاۆكاعا كەتكەن.
سەيسەنبى كۇنى ەلدە ۇكىمەتكە قارسى ميتينگ بولىپ، نارازىلىققا شىققاندار كاتماندۋداعى ۇكىمەت كەشەنىنە باسا-كوكتەپ كىرگەن بولاتىن. ولار پارلامەنت عيماراتىن، جوعارعى سوتتى، بيلەۋشى «نەپال كونگرەسى» پارتياسىنىڭ ورتالىق كەڭسەسىن جانە پرەمەر-ءمينيستردىڭ رەزيدەنتسياسىن ورتەپ جىبەرگەن.
نەپال اسكەرى مينيسترلەردى ولاردىڭ رەزيدەنتسيالارىنان تىكۇشاقتار ارقىلى ەۆاكۋاتسيالاعان. قارجى ءمينيسترى بيشنۋ پراساد پاۋدەلدى نارازىلىققا شىققاندار سوققىعا جىققان.
قازىرگى تاڭدا كاتماندۋداعى اۋەجاي جابىلىپ، بارلىق رەيس توقتاتىلدى.
ايتا كەتەيىك، سوڭعى دەرەكتەر بويىنشا نەپالداعى نارازىلىق كەزىندە 21 ادام قازا تاپقان.
