ۇكىمەت باسشىسى ولجاس بەكتەنوۆ ناۋرىز ايىندا ءىس-ساپارمەن شەتەلدەرگە اتتانادى، دەپ حابارلايدى "ادىرنا" ءتىلشىسى ۇكىمەتتىڭ ءباسپاسوز قىزمەتىنە سىلتەپ.
جاقىندا عانا تاعايىندالعان سۋ جاڭا پرەمەر رەسەي فەدەراتسياسى مەن وزبەكستان رەسپۋبليكاسىنا جۇمىس ساپارىمەن بارماق.
بەكتەنوۆ ماسكەۋدە رەسەي فەدەراتسياسى ۇكىمەتىنىڭ توراعاسى ميحايل ميشۋستينمەن شاعىن جانە كەڭەيتىلگەن قۇرامدا كەلىسسوزدەر وتكىزىپ، بىرقاتار ماسەلەلەردى تالقىلاۋى جوسپارلانعان.
ال تاشكەنتتە قر ۇكىمەت باسشىسى وزبەكستان پرەمەر-ءمينيسترى ابدۋللا اريپوۆپەن كەلىسسوز جۇرگىزىپ،ساۋدا-ينۆەستيتسيالىق ىنتىماقتاستىقتى ارتتىرۋ، ونەركاسىپ، ەنەرگەتيكا، اۋىل شارۋاشىلىعى جانە كولىك-لوگيستيكا سالالارىندا كووپەراتسيانى دامىتۋ پەرسپەكتيۆالارىن تالقىلاماق.
