قازاقستاندىقتاردىڭ بىرنەشە جەردە تولىق جۇكتەمەمەن ەڭبەك ەتۋىنە تىيىم سالىنباق. بۇل تۋرالى ءماجىلىس قابىرعاسىندا ەڭبەك جانە حالىقتى الەۋمەتتىك قورعاۋ ۆيتسە-ءمينيسترى ولجاس انافين مالىمدەدى، دەپ حابارلايدى “ادىرنا”.
ونىڭ ايتۋىنشا، ەڭبەك كودەكسىنە سايكەس ازامات ءبىر عانا مەكەمەدە تولىق جۇمىس كۇنىمەن ەڭبەك ەتە الادى. قازىر بيۋدجەتتىك سالادا زاڭ بۇزۋشىلىقتاردىڭ الدىن الۋ شارالارى جۇرگىزىلىپ جاتىر. ءانافيننىڭ سوزىنشە، جۇمىسپەن قامتۋ دەرەكتەرى بىرىڭعاي ەڭبەك كىتاپشالارى جۇيەسى ارقىلى سارالانىپ، بىرنەشە ۇيىمعا تولىق جۇكتەمەمەن تىركەلگەن قىزمەتكەرلەر انىقتالعان. مۇنداي جاعدايلار ەڭبەك ينسپەكتسياسىنا جولدانادى.
جۋرناليستەردىڭ «مۇنداي قىزمەتكەرلەر جۇمىستان بوساتىلا ما؟» دەگەن سۇراعىنا ول: ء«يا، بىرنەشە لاۋازىمدا تولىق ۋاقىتپەن ەڭبەك ەتۋ زاڭعا سايكەس رۇقسات ەتىلمەيدى»، – دەپ جاۋاپ بەردى.
