بۇگىن، 1 قازاندا الماتى وبلىسى ىلە اۋدانىنداعى كەنەن ازىرباەۆ اۋىلىندا ءورت شىقتى. سالدارىنان ءۇش جەكە تۇرعىن ءۇي مەن شارۋاشىلىق قۇرىلىستار تولىقتاي جانىپ كەتكەن، دەپ حابارلايدى «ادىرنا» ءتىلشىسى.
قۇتقارۋشىلار ءورت تۋرالى حابار كەشىگىپ تۇسكەندىكتەن، جالىن تەز تاراپ كەتكەنىن مالىمدەدى. جالپى ورتەنگەن اۋماقتىڭ كولەمى 448 شارشى مەتردى قۇراعان.
ء«تۇتىن، جوعارى تەمپەراتۋرا جانە ۇيلەردىڭ قۇرىلىسىنا بايلانىستى ءورتتى سوندىرۋدە قيىندىقتار بولدى»،—دەپ ءتۇسىندىردى تجد.
جانىپ جاتقان ۇيدەن ايەل مەن ونىڭ ءسابيىنىڭ ءمايىتى تابىلدى. كۇيىك شالعان ەر ادام اۋرۋحاناعا جەتكىزىلدى.
ۇقساس جاڭالىقتار
