قالا اۋماعىنداعى قۇرىلىس جۇمىستارى مەن ساۋلەتتىك جوبالارعا قاتىستى وزەكتى ماسەلەلەردى قارايتىن ارنايى كەڭەس وتىرىسى ءوتتى.
كەڭەس وتىرىسىنا تۇركىستان قالاسى اكىمى ازىمبەك پازىلبەكۇلى مەن سالالىق مەكەمە باسشىلارى، ساۋلەتشىلەر مەن جوبالاۋشى ۇيىم وكىلدەرى قاتىستى.
كۇن تارتىبىندە قالا اۋماعىندا جاڭادان بوي كوتەرىپ جاتقان جانە جوسپارلانعان ساۋلەتتىك جوبالار قارالدى. اتاپ ايتقاندا، ياسسى سەكتورىنداعى كەنتاۋ تاسجولى بويىندا اباتتاندىرۋ جۇمىستارى تىڭدالدى. سونىمەن قاتار تەمىر جول ۆوكزالى ماڭىن كولوننا ەلەمەنتتەرىمەن كورىكتەندىرۋ جوباسى، ياسسى، بەكزات جانە ساۋران سەكتورلارىنداعى الەۋمەتتىك نىساندار ورتالىعىن دامىتۋ ماسەلەلەرى تالقىلاندى.
بۇدان بولەك، «كوك تۇرىك»، «ەكى دۇنيە ەسىگى»، «ۇلتتىق قازىنا»، «حاندار اللەياسى» سىندى مونۋمەنتالدى نىساندار بويىنشا جاڭا ۇسىنىستار مەن جوبالىق وزگەرىستەر تانىستىرىلىپ، كەڭىنەن تالقىلاندى. جيىن بارىسىندا «كەرۋەن ساراي» كەشەنىنىڭ جاڭا ساۋلەتتىك شەشىمدەرى دە كەڭىنەن قارالدى.
جيىن بارىسىندا تۇركىستان وبلىسىنىڭ ساۋلەت جانە قالا قۇرىلىسى باسقارماسىنىڭ باسشىسى نۇرلىجان ماراتبەكۇلى، قالالىق ساۋلەت جانە قالا قۇرىلىسى ءبولىمىنىڭ باسشىسى مۇحيت قادىرۇلى كۇن تارتىبىندەگى ماسەلەلەر بويىنشا بايانداما جاساپ، «Art-Alliance» شىعارماشىلىق توبى تۇركىستاننىڭ تاريحىن زاماناۋي بەينەمەن ۇشتاستىراتىن يدەيالارىن ۇسىندى.
ۇقساس جاڭالىقتار
