ەلىمىزدە قازاقستان ازاماتتارىنىڭ پاسپورتىنىڭ جاڭا ديزاينىن ازىرلەۋ جۇمىستارى جۇرگىزىلۋدە، دەپ حابارلايدى "ادىرنا" ۇلتتىق پورتالى.
مەملەكەتتىك حاتشى ەرلان قارين اتاپ وتكەندەي، قازىرگى قولدانىستاعى پاسپورت ديزاينىنا 17 جىل بولعان.
جاڭا قۇجاتتى ەنگىزۋ كەزىندە ونىڭ قۇنى وزگەرمەيدى، سونداي-اق جاپپاي اۋىستىرۋ جۇرگىزىلمەيدى.
جاڭا ۇلگىدەگى پاسپورتتار ازاماتتارعا مەرزىمى اياقتالعان، بۇلىنگەن نەمەسە جەكە قالاۋى بويىنشا عانا بەرىلەدى.
«جاڭا ديزايندى ازىرلەۋ بارىسىندا حالىقارالىق ستاندارتتار مەن قازىرگى ۇردىستەر ەسكەرىلدى: مينيماليستىك ستيل، ۆيزالىق بەتتەردەگى فوندىق سۋرەتتەر، جالعاننان قورعاۋدىڭ جاڭا ەلەمەنتتەرى قاراستىرىلعان. پاسپورتتىڭ جاڭا تۇجىرىمداماسى قازاقستاننىڭ بىرەگەي ەرەكشەلىكتەرىن، ۇلتتىق بولمىسىن، مادەني ارتۇرلىلىگىن جانە ەلدىڭ كورىكتى جەرلەرىن بەينەلەيدى. جاڭا ديزاين جاقىن ۋاقىتتا تانىستىرىلادى»، — دەپ جازدى ەرلان قارين.
بۇگىندە قازاقستاندىق پاسپورت يەلەرى 79 ەلگە ۆيزاسىز بارا الادى.
