قۇتقارۋشىلار «شىمبۇلاق» تاۋ شاڭعىسى كۋرورتىندا جاراقات العان شەتەلدىك تۋريستكە كومەك كورسەتتى. بۇل تۋرالى تجم ءباسپاسوز قىزمەتى مالىمدەدى، دەپ حابارلايدى "ادىرنا".
ۆەدومستۆونىڭ مالىمەتىنشە، وقيعا بۇگىن «شىمبۇلاق» تاۋ شاڭعىسى كۋرورتى ماڭىندا بولعان. قىتاي حالىق رەسپۋبليكاسىنىڭ 1973 جىلى تۋعان ازاماتشاسى شامامەن 3000 مەتر بيىكتەن تاۋدان ءتۇسۋ كەزىندە ارقاسىنان جاراقات الىپ، وزدىگىنەن قوزعالا الماي قالعان.
«وقيعا ورنىنا قر تجم رەسپۋبليكالىق جەدەل-قۇتقارۋ جاساعىنىڭ كەزەكشى توبى دەرەۋ اتتاندى»، – دەپ حابارلادى ۆەدومستۆونىڭ ءباسپاسوز قىزمەتى.
قۇتقارۋشىلار كانات جولى ارقىلى وقيعا ورنىنا كوتەرىلىپ، «شىمبۇلاق» تاۋ شاڭعىسى كۋرورتىنىڭ قۇتقارۋشىلارىمەن بىرلەسىپ زارداپ شەككەن ازاماتشاعا العاشقى مەديتسينالىق كومەك كورسەتتى.
ودان كەيىن تجم قىزمەتكەرلەر ايەل ادامدى تومەن ءتۇسىرىپ، مەديتسينا قىزمەتكەرلەرىنە تاپسىردى.
