ەردوعان: ءبىزدىڭ شىدامىمىز ءبىتتى، ەندى ولاردى تاس-تالقان ەتەمىز

4338

ەردوعان سيريانىڭ سولتۇستىگىنەن كەلەتىن قاۋىپتەردى ءوز بەتىنشە جويۋعا تۇركيا ەلى دايىن ەكەنىن مالىمدەدى. رەجەپ تايىپ ەردوعان تۇركياعا قارسى لاڭكەستىك شابۋىلداردىڭ كوزى سيرياداعى اۋماقتارعا شىدامدىلىق تانىتقىسى كەلمەيتىنىن ايتتى، دەپ حابارلايدى “ادىرنا” ۇلتتىق پورتالى.

«ءبىزدىڭ پوليتسياعا كورسەتكەن سوڭعى شابۋىل (ەۆفرات قالقانى وپەراتسياسى ايماعىندا) جانە باسقا دا ءبىزدىڭ جەرلەرگە باعىتتالعان شابۋىلدار شىدامىمىزدى تاۋىستى. تۇركيا سيريانىڭ سولتۇستىگىنەن كەلەتىن قاۋىپتەردى جويۋعا بەل بايلاپ وتىر  »،- دەدى تۇركيا پرەزيدەنتى تەلەارنادان سويلەگەن سوزىندە.

ءبىر كۇن بۇرىن سيريانىڭ سولتۇستىگىندە PKK / PYD لاڭكەستەرىنىڭ («دەموكراتيالىق وداق» سيريالىق كۇرد پارتياسى) زىمىراندارمەن اتقىلاۋى ناتيجەسىندە تۇرىك ارنايى كۇشتەرى پوليتسياسىنىڭ ەكى وفيتسەرى قازا تاۋىپ، تاعى ءۇش ارنايى جاساق جارالانعان.

”ادىرنا” ۇلتتىق پورتالى 

پىكىرلەر
ۇقساس جاڭالىقتار