الماتىدا ءبىر توپ ادام 18 جاستاعى جىگىتتى سوققىعا جىققان، دەپ حابارلايدى "ادىرنا" ۇلتتىق پورتالى.
وقيعا 12 قازانعا قاراعان ءتۇنى تولە بي كوشەسىندەگى ءدامحانانىڭ الدىندا بولعان. بۇل تۋرالى زارداپ شەككەن بالانىڭ اناسى الەۋمەتتىك جەلىدە جازدى.
ايتۋىنشا، ۇلىن شامامەن 15-20 ەر ادام ۇرىپ كەتكەن. جابىرلەنۋشى قازىر اۋرۋحانادا جاتىر. كۇدىكتىلەر ەسىنەن تانىپ قالعان بالانىڭ باسىنان دا تەپكەن.
قالالىق پوليتسيا دەپارتامەنتى بۇل دەرەك بويىنشا قر قىلمىستىق كودەكسىنىڭ 107-بابى («دەنساۋلىققا قاساقانا زيان كەلتىرۋ») بويىنشا ءىس قوزعالعانىن مالىمدەدى.
– جەدەل ءىس-شارالاردىڭ ناتيجەسىندە وقيعاعا قاتىسقان بارلىق ادام انىقتالىپ، ۇستالدى. تەرگەۋ بارىسىندا ولاردىڭ كىناسى مەن وقيعانىڭ ءمان-جايى انىقتالادى. بارلىق كىنالى تۇلعا زاڭعا سايكەس جاۋاپقا تارتىلادى، – دەپ حابارلادى پوليتسيانىڭ ءباسپاسوز قىزمەتى.
ءىس الماتى پوليتسيا دەپارتامەنتى باسشىلىعىنىڭ ەرەكشە باقىلاۋىندا.
