ماداگاسكاردا پارلامەنت ەل پرەزيدەنتىن قىزمەتىنەن بوساتتى، دەپ حابارلايدى "ادىرنا" ۇلتتىق پورتالى.
2025 جىلدىڭ 14 قازانىندا ماداگاسكار ۇلتتىق اسسامبلەياسى ەل پرەزيدەنتى اندري رادزۋەلينانى قىزمەتىنەن بوساتۋ جونىندە داۋىس بەردى.
بۇل تۋرالى Orange باسىلىمى حابارلادى. مالىمەتكە سايكەس، وتستاۆكا ءۇشىن 131 دەپۋتاتتىڭ 130-ى داۋىس بەرگەن. ايتا كەتەيىك، ولاردىڭ اراسىندا پرەزيدەنتتى قولدايتىن «اندري رادزۋەلينامىزبەن بىرگە» پارتياسىنىڭ وكىلدەرى دە بار.
بۇعان دەيىن مەملەكەت باسشىسى پارلامەنتتىڭ تومەنگى پالاتاسىن تاراتۋ تۋرالى شەشىم قابىلداعان ەدى. الايدا دەپۋتاتتار بۇل ارەكەتتى زاڭسىز دەپ تانىپ، ءوز كەزەگىندە پرەزيدەنتتى قىزمەتىنەن كەتىرۋ باستاماسىن قولدادى.
قازىر ەلدە ساياسي جاعداي كۇردەلەنە ءتۇستى. ساراپشىلاردىڭ پىكىرىنشە، بۇل شەشىم ماداگاسكاردا جاڭا ساياسي داعدارىسقا اكەلۋى مۇمكىن.
ايتا كەتەيىك، ماداگاسكار پرەزيدەنتىنىڭ "قاۋىپسىز جەردە" ەكەنى تۋرالى اقپارات تاراعان بولاتىن.
