اقش-تىڭ بۇرىنعى پرەزيدەنتى باراك وباما رەسپۋبليكاشىل دونالد ترامپتى پرەزيدەنتتىك سايلاۋداعى جەڭىسىمەن قۇتتىقتادى، دەپ حابارلايدى "ادىرنا" ۇلتتىق پورتالى.
بۇل تۋرالى AFP اگەنتتىگى 7 قاراشاعا قاراعان ءتۇنى حابارلادى.
وباما سايلاۋ ناۋقانى كەزىندە دەموكراتيالىق پارتيا اتىنان كانديدات بولعان كامالا حارريسكە قولداۋ كورسەتكەن بولاتىن. ەكس-پرەزيدەنت ءوز سوزىندە:
«ارينە، بۇل ءبىز كۇتكەن ناتيجە ەمەس. بىراق دەموكراتيا جاعدايىندا ءومىر ءسۇرۋ ارقاشان ءبىزدىڭ كوزقاراسىمىز جەڭە بەرمەيتىنىن مويىنداۋدى جانە بيلىكتى بەيبىت جولمەن تاپسىرۋعا دايىن بولۋدى تالاپ ەتەدى»، – دەدى ەكس-پرەزيدەنت باراك وباما.وباما اقش-تىڭ قازىرگى ۆيتسە-پرەزيدەنتى كامالا حارريس پەن ونىڭ ۆيتسە-پرەزيدەنت قىزمەتىنە ۇمىتكەر سەرىكتەسى تيم ۋولتستى «مەملەكەتكە ەرەكشە قىزمەت ەتكەن كەرەمەت تۇلعالار» دەپ اتاعان. ايتا كەتەيىك، حارريس پرەزيدەنت بولىپ سايلانعان ترامپتى قۇتتىقتاعان بولاتىن.
ۇقساس جاڭالىقتار
