اۋعانستان مەن پاكىستان اراسىنداعى ەكىجاقتى كەلىسسوزدەردەن كەيىن تاراپتار اتىستى توقتاتۋ جونىندە كەلىسىمگە كەلدى، دەپ حابارلايدى “ادىرنا”.
بۇل سوڭعى بىرنەشە جىل ىشىندەگى ەكى ەل اراسىنداعى ەڭ اۋىر قارۋلى قاقتىعىس بولىپ وتىر.
كاتار تاراپىنىڭ مالىمدەمەسىندە تاراپتار ۇزاقمەرزىمدى بەيبىتشىلىك پەن تۇراقتىلىق ورناتۋعا باعىتتالعان تەتىك قۇرۋعا جانە الداعى كۇندەرى ءبىتىمنىڭ بەرىكتىگىن قامتاماسىز ەتۋ ماقساتىندا قوسىمشا كەلىسسوزدەر وتكىزۋگە كەلىسكەنى ايتىلعان. سونداي-اق كاتار مەن تۇركيا بۇل كەلىسسوزدەردە دەلدال بولعانى كورسەتىلگەن.
ايدىڭ باسىنان بەرى كورشى ەلدەر اراسىنداعى جاعداي ۋشىعىپ، ەكى تاراپ تا ءبىر-ءبىرىن اگرەسسيا جاسادى دەپ ايىپتاعان. اۋعانستان ءوز اۋماعىندا شەكارا ماڭىندا شابۋىل جاساپ جۇرگەن سودىرلاردى جاسىرعانىن جوققا شىعاردى.
ەسكە سالسپق، اۋعانستان مەن پاكىستان شەكاراسىنداعى قارۋلى قاقتىعىستار 2025 جىلدىڭ 12 قازانىنا قاراعان ءتۇنى باستالعان بولاتىن.
بۇعان دەيىن اۋعانستان مەن پاكىستان اراسىنداعى قارۋلى قاقتىعىستى توقتاتۋ ماقساتىندا ەكى ەلدىڭ دەلەگاتسيالارى قاتار استاناسى دوحادا كەلىسسوز وتكىزۋدى جوسپارلاعانىن حابارلادىق.
