وزبەكستان ازاماتى احمادجون قۇربانوۆ 2024 جىلعى جەلتوقساندا رادياتسيالىق، حيميالىق جانە بيولوگيالىق قورعاۋ اسكەرلەرىنىڭ باستىعى، گەنەرال-لەيتەنانت يگور كيريللوۆتى ولتىرگەنى ءۇشىن ءومىر بويىنا سوتتالدى. بۇل تۋرالى ربك جازدى، دەپ حابارلايدى «ادىرنا» ءتىلشىسى.
سوتتا شەتەلدىك جوعارى لاۋازىمدى رەسەيلىك وفيتسەردىڭ قازا بولۋىنا اكەلگەن تەررورلىق اكتىنى جاساعانىن مويىندادى.
سونىمەن قاتار قۇربانوۆقا 1 ملن رۋبل (شامامەن 6, 5 ملن تەڭگە - رەد.) كولەمىندە ايىپپۇل سالىندى.
اتالعان قىلمىستىق ءىس بويىنشا تاعى ءۇش ادام سوتتالدى. ولاردىڭ بارلىعى ۇزاق مەرزىمگە تۇرمەگە جابىلىپ، سالىستىرمالى تۇردە از ايىپپۇل تولەۋگە مىندەتتەلدى. تەرگەۋ نۇسقاسى بويىنشا، تەراكتىنى ورىنداۋشىعا جارىلعىش زاتتى جەتكىزگەن ازەربايجان تۋماسى روبەرت سافاريان 25 جىلعا سوتتالدى. ال قۇربانوۆقا پاتەر جالعا بەرگەن ينگۋشەتيا تۋمالارى باتۋحان توچيەۆ پەن رامازان پاديەۆ 22 جىل جانە 18 جىلعا كولونياعا جىبەرىلدى.
باق مالىمەتىنشە، سوت پروتسەسى بارىسىندا وزبەكستاندىق ايىپتالۋشى كىناسىن مويىنداپ، تەرگەۋمەن بەلسەندى ىنتىماقتاسقان. ال وزگە سوتتالعاندار وزدەرىنىڭ ىسكە قاتىسى جوق ەكەنىن العا تارتقان. ماسەلەن، توچيەۆ پەن پاديەۆ تەك پاتەردى جالعا بەرۋمەن عانا اينالىسقانىن ايتسا، سافاريان قۇربانوۆقا تاپسىرعان سالەمدەمەنىڭ ىشىندە نە بولعانىن بىلمەگەنىن مالىمدەگەن.
ەسكە سالايىق، 2024 جىلدىڭ 17 جەلتوقسانىندا ماسكەۋدىڭ نيجگورود اۋدانىندا ءبىر ءۇيدىڭ الدىندا جارىلىس بولىپ، ەكى ادام قازا تاپقان ەدى. جارىلىس تولقىنى اينالاداعى پاتەرلەردىڭ تەرەزەلەرىن ۇشىرىپ جىبەرگەن. جارىلعىش زاتتىڭ ىشىندە 300 گرامم تروتيل بولعان، سونىڭ سالدارىنان ءۇيدىڭ كىرەبەرىس ەسىگى مەن تەرەزەلەرى سىنعان، گەنەرالدىڭ قىزمەتتىك كولىگى دە زاقىمدانعان.
