Özbekstan azamaty Ahmadjon Qūrbanov 2024 jylǧy jeltoqsanda radiasiialyq, himiialyq jäne biologiialyq qorǧau äskerlerınıŋ bastyǧy, general-leitenant İgor Kirillovty öltırgenı üşın ömır boiyna sottaldy. Būl turaly RBK jazdy, dep habarlaidy «Adyrna» tılşısı.
Sotta şeteldık joǧary lauazymdy reseilık ofiserdıŋ qaza boluyna äkelgen terrorlyq aktını jasaǧanyn moiyndady.
Sonymen qatar Qūrbanovqa 1 mln rubl (şamamen 6, 5 mln teŋge - red.) kölemınde aiyppūl salyndy.
Atalǧan qylmystyq ıs boiynşa taǧy üş adam sottaldy. Olardyŋ barlyǧy ūzaq merzımge türmege jabylyp, salystyrmaly türde az aiyppūl töleuge mındetteldı. Tergeu nūsqasy boiynşa, teraktını oryndauşyǧa jarylǧyş zatty jetkızgen Äzerbaijan tumasy Robert Safarian 25 jylǧa sottaldy. Al Qūrbanovqa päter jalǧa bergen İnguşetiia tumalary Batuhan Tochiev pen Ramazan Padiev 22 jyl jäne 18 jylǧa koloniiaǧa jıberıldı.
BAQ mälımetınşe, sot prosesı barysynda özbekstandyq aiyptaluşy kınäsın moiyndap, tergeumen belsendı yntymaqtasqan. Al özge sottalǧandar özderınıŋ ıske qatysy joq ekenın alǧa tartqan. Mäselen, Tochiev pen Padiev tek päterdı jalǧa berumen ǧana ainalysqanyn aitsa, Safarian Qūrbanovqa tapsyrǧan sälemdemenıŋ ışınde ne bolǧanyn bılmegenın mälımdegen.
Eske salaiyq, 2024 jyldyŋ 17 jeltoqsanynda Mäskeudıŋ Nijgorod audanynda bır üidıŋ aldynda jarylys bolyp, ekı adam qaza tapqan edı. Jarylys tolqyny ainaladaǧy päterlerdıŋ terezelerın ūşyryp jıbergen. Jarylǧyş zattyŋ ışınde 300 gramm trotil bolǧan, sonyŋ saldarynan üidıŋ kıreberıs esıgı men terezelerı synǧan, generaldyŋ qyzmettık kölıgı de zaqymdanǧan.
