"تەرميندىك جانە سەمانتيكالىق بىرىزدىلىكتى قامتاماسىز ەتۋگە باسا نازار اۋدارىلىپ جاتىر. ۇكىمەت، پارلامەنت، پرەزيدەنت اكىمشىلىگى بولىمدەرىنىڭ ماماندارى، كونستيتۋتسيالىق كوميسسيانىڭ رەداكتسيالىق-تەرمينولوگيالىق جۇمىس توبى، حالىقارالىق قازاق ءتىلى قوعامى، جاڭا اتا زاڭ ءماتىنىنىڭ جوباسىنا جۇمىلدىرىلعان لينگۆيست ماماندار تاراپىنان بەرىلگەن ۇسىنىستاردىڭ نەگىزىندە رەداكتسيالىق، ستيليستيكالىق تۇزەتۋلەر جۇرگىزىلدى", - دەدى نۇرمۇحانوۆ.
مۇنداي تۇزەتۋلەر بىرنەشە نورماعا ەنگىزىلدى. مىسالى، پرەامبۋلاداعى “ۇلى دالانىڭ مىڭجىلدىق تاريحىنىڭ ساباقتاستىعىن ساقتاپ” دەگەن سوزدەر “ۇلى دالانىڭ مىڭداعان جىلدىق تاريحىنىڭ ساباقتاستىعىن ساقتاپ” دەپ وزگەرتىلدى.
ء"ماتىن بويىنشا “نەپريكوسنوۆەننوست” دەگەن تەرمين سان رەت كەزدەسەدى. قازاق تىلىندە ول “قول سۇقپاۋ”، “قولسۇعىلماۋشىلىق” دەپ الىنىپ وتىر. 9-باپ ناقتىلانىپ، “تەڭ” ءسوزى “قاتار” دەپ اۋىستىرىلدى. 50-ءشى جانە 51-باپتاردا ء“وتىنىش” دەگەن سوزدەر “مالىمدەمە” دەپ الىندى. قازاق تىلىندەگى سويلەم قۇراۋ ەرەكشەلىكتەرىن ەسكەرە وتىرىپ، “ياۆلياەتسيا” دەگەن ءسوز سىزىقشامەن اۋىستىرىلدى. وسىلايشا قازاق تىلىندەگى “بولىپ تابىلادى” دەگەن سوزدەر الىنىپ تاستالدى", - دەدى كونستيتۋتسيالىق سوت توراعاسىنىڭ ورىنباسارى.
