ماڭعىستاۋ وبلىسىنداعى اسكەري پوليگوندا وتكەن جوسپارلى اتىس جاتتىعۋلارى كەزىندە مەرزىمدى اسكەري قىزمەتكەر قازا تاپتى. وقيعا بويىنشا قىلمىستىق ءىس قوزعالىپ، تەرگەۋ امالدارى باستالدى، دەپ حابارلايدى "ادىرنا" ۇلتتىق پورتالى.
ماڭعىستاۋ وبلىسى اۋماعىنداعى بەينەۋ پوليگونىندا 17 اقپان كۇنى جوسپارلى دالالىق اتىس جاتتىعۋلارى وتكەن. قازاقستان قارۋلى كۇشتەرىنىڭ قۇرلىق اسكەرلەرى مالىمەتىنشە، «باتىس» وڭىرلىك قولباسشىلىعىنا قاراستى مەرزىمدى اسكەري قىزمەتكەر قارۋمەن جۇمىس ىستەۋ بارىسىندا وق جاراقاتىن الىپ، كوز جۇمعان.
اتالعان دەرەك بويىنشا باتىس ءوڭىرىنىڭ اسكەري-تەرگەۋ ورگاندارى قىلمىستىق ءىس قوزعادى. قازىرگى ۋاقىتتا سوتقا دەيىنگى تەرگەۋ جۇرگىزىلىپ جاتىر. تەرگەۋ بارىسىندا وقيعانىڭ بارلىق ءمان-جايى مەن سەبەپتەرى انىقتالماق.
وقيعا ورنىنا قورعانىس ءمينيسترىنىڭ ورىنباسارى، گەنەرال-مايور شايح-حاسان جازىقباەۆ باستاعان ارنايى كوميسسيا جىبەرىلدى. سونىمەن قاتار باس اسكەري پروكۋرور مەن ىشكى ىستەر مينيسترلىگىنىڭ اسكەري-تەرگەۋ دەپارتامەنتىنىڭ باسشىلىعى دا وقيعا ورنىنا بارعان.
قاجەتتى جەدەل-تەرگەۋ ءىس-شارالارى جۇرگىزىلىپ، ءتيىستى ساراپتامالار تاعايىندالدى. ءىس بويىنشا پروتسەسسۋالدىق پروكۋرور بەلگىلەنگەن. تەرگەۋ بارىسى باس پروكۋراتۋرانىڭ باقىلاۋىنا الىنعان.
قىلمىستىق-پروتسەستىك كودەكستىڭ 201-بابىنا سايكەس سوتقا دەيىنگى تەرگەپ-تەكسەرۋ دەرەكتەرى جاريا ەتىلمەيدى.
ايتا كەتەيىك، 7 قازاندا ماڭعىستاۋ وبلىسىندا سارباز قازا تاپقان ەدى.
