Maŋǧystau oblysyndaǧy äskeri poligonda ötken josparly atys jattyǧulary kezınde merzımdı äskeri qyzmetker qaza tapty. Oqiǧa boiynşa qylmystyq ıs qozǧalyp, tergeu amaldary bastaldy, dep habarlaidy "Adyrna" ūlttyq portaly.
Maŋǧystau oblysy aumaǧyndaǧy Beineu poligonynda 17 aqpan künı josparly dalalyq atys jattyǧulary ötken. Qazaqstan Qaruly Küşterınıŋ Qūrlyq äskerlerı mälımetınşe, «Batys» öŋırlık qolbasşylyǧyna qarasty merzımdı äskeri qyzmetker qarumen jūmys ısteu barysynda oq jaraqatyn alyp, köz jūmǧan.
Atalǧan derek boiynşa Batys öŋırınıŋ äskeri-tergeu organdary qylmystyq ıs qozǧady. Qazırgı uaqytta sotqa deiıngı tergeu jürgızılıp jatyr. Tergeu barysynda oqiǧanyŋ barlyq män-jaiy men sebepterı anyqtalmaq.
Oqiǧa ornyna qorǧanys ministrınıŋ orynbasary, general-maior Şaih-Hasan Jazyqbaev bastaǧan arnaiy komissiia jıberıldı. Sonymen qatar bas äskeri prokuror men ışkı ıster ministrlıgınıŋ äskeri-tergeu departamentınıŋ basşylyǧy da oqiǧa ornyna barǧan.
Qajettı jedel-tergeu ıs-şaralary jürgızılıp, tiıstı saraptamalar taǧaiyndaldy. Is boiynşa prosessualdyq prokuror belgılengen. Tergeu barysy Bas prokuraturanyŋ baqylauyna alynǧan.
Qylmystyq-prosestık kodekstıŋ 201-babyna säikes sotqa deiıngı tergep-tekseru derekterı jariia etılmeidı.
Aita keteiık, 7 qazanda Maŋǧystau oblysynda sarbaz qaza tapqan edı.
