يرانداعى احۋالعا بايلانىستى ەۋرووداق ەلدەرى رەسمي ۇستانىمدارىن ءبىلدىردى، دەپ حابارلايدى "ادىرنا" ۇلتتىق پورتالى.
ەۋروپالىق كوميسسيانىڭ پرەزيدەنتى ۋرسۋلا فون دەر ليايەن مەن ەۋروپالىق كەڭەستىڭ توراعاسى انتونيۋ كوشتا بىرلەسكەن مالىمدەمە جاساپ، ايماقتاعى جاعدايدىڭ «وتە الاڭداتارلىق» ەكەنىن اتاپ ءوتتى. ولار ەۋرووداقتىڭ وڭىردەگى سەرىكتەستەرىمەن تىعىز بايلانىستا ەكەنىن جەتكىزدى.
مالىمدەمەدە يادرولىق قاۋىپسىزدىكتى قامتاماسىز ەتۋ جانە شيەلەنىستىڭ ۋشىعۋىنا جول بەرمەۋ اسا ماڭىزدى ەكەنى ايتىلعان. سونداي-اق ەۋرووداق يران ۇكىمەتىنە جانە يسلام رەۆوليۋتسياسى ساقشىلارى كورپۋسى قاتىستى اۋقىمدى سانكتسيالار ەنگىزگەنى حابارلاندى.
"مەملەكەت باسشىلارىنىڭ ۇيلەسىمدى ءىس-قيمىلى نەگىزىندە ەو ازاماتتارىنىڭ قاۋىپسىزدىگىن قامتاماسىز ەتۋ ءۇشىن بارلىق قاجەتتى شارالاردى قابىلدايمىز. بارلىق تاراپتاردى سابىرلىق تانىتىپ، بەيبىت تۇرعىنداردى قورعاۋعا جانە حالىقارالىق قۇقىق نورمالارىن ساقتاۋعا شاقىرامىز", — دەلىنگەن مالىمدەمەدە.
يتاليا سىرتقى ىستەر ءمينيسترى انتونيو تاياني تەگەران مەن تەل-اۆيۆتەگى يتاليان ەلشىلىكتەرىمەن تۇراقتى بايلانىستا ەكەنىن مالىمدەدى.
ء"بىز ءۇشىن ەڭ باستىسى — يتاليا ازاماتتارىنىڭ قاۋىپسىزدىگى. داعدارىس ورتالىعى فارنەزينەدە جۇمىس ىستەپ جاتىر", — دەدى ول.
نيدەرلاندى پرەمەر-ءمينيسترى روب يەتتەن ەل بيلىگى جاعدايدى ءجىتى باقىلاپ وتىرعانىن جانە تاراپتاردى سابىرلىققا شاقىراتىنىن جەتكىزدى.
