İrandaǧy ahualǧa bailanysty Euroodaq elderı resmi ūstanymdaryn bıldırdı, dep habarlaidy "Adyrna" ūlttyq portaly.
Europalyq komissiianyŋ prezidentı Ursula fon der Liaien men Europalyq keŋestıŋ töraǧasy Antoniu Koşta bırlesken mälımdeme jasap, aimaqtaǧy jaǧdaidyŋ «öte alaŋdatarlyq» ekenın atap öttı. Olar Euroodaqtyŋ öŋırdegı serıktesterımen tyǧyz bailanysta ekenın jetkızdı.
Mälımdemede iadrolyq qauıpsızdıktı qamtamasyz etu jäne şielenıstıŋ uşyǧuyna jol bermeu asa maŋyzdy ekenı aitylǧan. Sondai-aq Euroodaq İran ükımetıne jäne İslam revoliusiiasy saqşylary korpusy qatysty auqymdy sanksiialar engızgenı habarlandy.
"Memleket basşylarynyŋ üilesımdı ıs-qimyly negızınde EO azamattarynyŋ qauıpsızdıgın qamtamasyz etu üşın barlyq qajettı şaralardy qabyldaimyz. Barlyq taraptardy sabyrlyq tanytyp, beibıt tūrǧyndardy qorǧauǧa jäne halyqaralyq qūqyq normalaryn saqtauǧa şaqyramyz", — delıngen mälımdemede.
İtaliia syrtqy ıster ministrı Antonio Taiani Tegeran men Tel-Avivtegı italian elşılıkterımen tūraqty bailanysta ekenın mälımdedı.
"Bız üşın eŋ bastysy — İtaliia azamattarynyŋ qauıpsızdıgı. Daǧdarys ortalyǧy Farnezinede jūmys ıstep jatyr", — dedı ol.
Niderlandy premer-ministrı Rob Ietten el bilıgı jaǧdaidy jıtı baqylap otyrǧanyn jäne taraptardy sabyrlyqqa şaqyratynyn jetkızdı.
