İrannyŋ Meşhed qalasynda eldıŋ būrynǧy joǧarǧy köşbasşysy aiatolla Äli Hameneidı jerleu räsımı jabyq formatta öttı, dep habarlaidy "Adyrna" ūlttyq portaly DW-ǧa sıltep.
Būl turaly halyqaralyq BAQ habarlady.
Äli Hamenei 2026 jyldyŋ aqpan aiynda AQŞ pen İzraildıŋ onyŋ rezidensiiasyna jasaǧan äue şabuyly kezınde qaza tapqan. Ol Meşhed qalasyndaǧy şiit mūsylmandary üşın qasiettı sanalatyn İmam Reza kesenesıne jerlendı. Sol jerde şabuyl kezınde qaza bolǧan onyŋ otbasy müşelerı de jer qoinyna tapsyryldy.
Qoştasu räsımderı 4 şıldede bastalyp, bırneşe künge sozyldy. Tabyt aldymen Tegeranda, keiın Qūm qalasynda, odan soŋ İraktyŋ şiitter üşın qasiettı Nadjaf jäne Kerbela qalalarynda qoiyldy. İran bilıgınıŋ mälımetınşe, aza tūtu şaralaryna milliondaǧan adam qatysqan.
Alaida osy uaqyt ışınde Äli Hameneidıŋ ūly ärı jaŋa joǧarǧy köşbasşy Modjtaba Hamenei köpşılık aldyna şyqqan joq. Būqaralyq aqparat qūraldarynyŋ jazuynşa, onyŋ qauıpsızdıgıne qatysty qauıpterge bailanysty jerleu räsımıne qatyspaǧan boluy mümkın.
İrannyŋ Fars agenttıgı Modjtaba Hamenei 19 şıldede Qūm qalasynda ötetın eske alu räsımınde alǧaş ret jūrtşylyq aldyna şyǧyp, äkesıne arnalǧan söz söileidı dep habarlady.
Sonymen qatar, AQŞ prezidentı Donald Tramp İrandaǧy jerleu räsımderıne bailanysty kelıssözderge bır aptalyq üzılıs berılgenın habarlaǧan. Alaida keiın öŋırdegı jaǧdai qaita şielenısıp, İran men AQŞ arasynda özara äskeri soqqylar jasalǧan. Tramp qazır İranmen bıtım rejimı toqtaǧanyn aityp, kelıssöz jürgızuge nietı joq ekenın jariialady.
