«Ädıldık joly» qoǧamdyq bırlestıgınıŋ atqaruşy direktory Didar Smaǧūlov sybailas jemqorlyqqa qarsy ıs-qimyl salasyndaǧy jetıstıkterı üşın AQŞ memlekettık departamentınıŋ joǧary halyqaralyq marapatyna ie boldy, dep habarlaidy “Adyrna” ūlttyq portaly.
Syilyqty AQŞ-tyŋ memlekettık hatşysy Entoni Blinken tabystady. Būl turaly Smaǧūlov jeke paraqşasynda jazdy.
Būl marapat Didar Smaǧūlovqa Qazaqstandaǧy sybailas jemqorlyq deŋgeiın tömendetu jäne jüielı reformalar jürgızu salasyndaǧy jūmystary üşın berıldı. Ol būl jetıstıktı «Ädıldık joly» komandasynyŋ orasan zor eŋbegınıŋ nätijesı dep atap öttı.
“Men üşın būl - ūjymdyq marapat. Bızdıŋ komandamyzdyŋ Qazaqstanda sybailas jemqorlyqqa qarsy tiımdı reformalar engızu jäne qūqyq būzuşylyqqa jol bergen tūlǧalardy jauapkerşılıkke tartu jolyndaǧy eŋbegı halyqaralyq deŋgeide moiyndalǧanyna quanyştymyn”, – dedı ol.
Sondai-aq, Didar Smaǧūlov otbasyna, dostaryna jäne ärıptesterıne qoldau körsetkenı üşın alǧysyn bıldırdı.
“Bızdıŋ elımızdıŋ jemqorlyqqa qarsy küres salasyndaǧy jetıstıkterınıŋ osyndai joǧary deŋgeide moiyndalǧany köŋıl quantady”, – dep jazdy ol öz paraqşasynda.
Ūqsas jaŋalyqtar
