AQŞ-taǧy Iýta ştatynyŋ Utah Valley universitetı kampusynda saiasi belsendı ärı Tramptyŋ jaqtasy Charli Kirktı köptıŋ aldynda söz söilep tūrǧan sätte atyp kettı, dep habarlaidy «Adyrna» tılşısı.
Oq onyŋ moinyna tigen. Belsendı bırden auruhanaǧa jetkızılgen. Alaida keiınnen AQŞ prezidentı Donald Tramp Charli Kirktıŋ qaza tapqanyn mälımdedı. Ol Truth Social jelısınde bükıl el boiynşa tört künge ärtürlı memlekettık ǧimarattar men basqa da oryndarda tulardyŋ tömen tüsırıluın būiyrǧanyn atap öttı.
«Ūly ärı tıptı aŋyzǧa ainalǧan Charli Kirk qaitys boldy. Amerika Qūrama Ştattaryndaǧy jastardy Charlidan jaqsy tüsınetın jäne olardyŋ küiıne jany aşityn adam bolǧan joq. Barlyǧy ony jaqsy kördı jäne taŋdandy, olardyŋ bırı – men. Endı ol bızben bırge emes. Melaniiamen bırge jūbaiy Erikaǧa jäne otbasynyŋ barlyǧyna köŋıl aityp jatyrmyz. Charli, bız senı jaqsy köremız!» - dep jazdy Tramp.
The Washington Post basylymynyŋ mälımetınşe, qaiǧyly jaǧdaidan keiın AQŞ astanasy küşeitılgen küzetke alynǧan. Tıptı Aq üige jaqyn köşelerde ışınara qozǧalys şektelgenı aityldy.
Aita keteiık, 31 jastaǧy Charli Kirk — Turning Point USA ūiymynyŋ negızın qalauşy, konservativtı qūndylyqtardy mektepter men universitetterde nasihattaityn tanymal belsendı, podkaster. Resmi derekterge qaraǧanda, oq bılım beru kampusynyŋ ǧimarattarynan şamamen 200 metr qaşyqtyqtan atylǧan. Bastapqyda küdıktı tūtqyndaldy degen habar tarady, keiın ol adamnyŋ atyşuly oqiǧaǧa qatysy joq ekenı anyqtaldy. Qazırgı taŋda küdıktı älı anyqtalǧan joq.
