يراننىڭ مەشحەد قالاسىندا ەلدىڭ بۇرىنعى جوعارعى كوشباسشىسى اياتوللا ءالي حامەنەيدى جەرلەۋ ءراسىمى جابىق فورماتتا ءوتتى، دەپ حابارلايدى "ادىرنا" ۇلتتىق پورتالى DW-عا سىلتەپ.
بۇل تۋرالى حالىقارالىق باق حابارلادى.
ءالي حامەنەي 2026 جىلدىڭ اقپان ايىندا اقش پەن ءيزرايلدىڭ ونىڭ رەزيدەنتسياسىنا جاساعان اۋە شابۋىلى كەزىندە قازا تاپقان. ول مەشحەد قالاسىنداعى شيت مۇسىلماندارى ءۇشىن قاسيەتتى سانالاتىن يمام رەزا كەسەنەسىنە جەرلەندى. سول جەردە شابۋىل كەزىندە قازا بولعان ونىڭ وتباسى مۇشەلەرى دە جەر قوينىنا تاپسىرىلدى.
قوشتاسۋ راسىمدەرى 4 شىلدەدە باستالىپ، بىرنەشە كۇنگە سوزىلدى. تابىت الدىمەن تەگەراندا، كەيىن قۇم قالاسىندا، ودان سوڭ يراكتىڭ شيتتەر ءۇشىن قاسيەتتى نادجاف جانە كەربەلا قالالارىندا قويىلدى. يران بيلىگىنىڭ مالىمەتىنشە، ازا تۇتۋ شارالارىنا ميلليونداعان ادام قاتىسقان.
الايدا وسى ۋاقىت ىشىندە ءالي حامەنەيدىڭ ۇلى ءارى جاڭا جوعارعى كوشباسشى مودجتابا حامەنەي كوپشىلىك الدىنا شىققان جوق. بۇقارالىق اقپارات قۇرالدارىنىڭ جازۋىنشا، ونىڭ قاۋىپسىزدىگىنە قاتىستى قاۋىپتەرگە بايلانىستى جەرلەۋ راسىمىنە قاتىسپاعان بولۋى مۇمكىن.
يراننىڭ Fars اگەنتتىگى مودجتابا حامەنەي 19 شىلدەدە قۇم قالاسىندا وتەتىن ەسكە الۋ راسىمىندە العاش رەت جۇرتشىلىق الدىنا شىعىپ، اكەسىنە ارنالعان ءسوز سويلەيدى دەپ حابارلادى.
سونىمەن قاتار، اقش پرەزيدەنتى دونالد ترامپ يرانداعى جەرلەۋ راسىمدەرىنە بايلانىستى كەلىسسوزدەرگە ءبىر اپتالىق ءۇزىلىس بەرىلگەنىن حابارلاعان. الايدا كەيىن وڭىردەگى جاعداي قايتا شيەلەنىسىپ، يران مەن اقش اراسىندا ءوزارا اسكەري سوققىلار جاسالعان. ترامپ قازىر يرانمەن ءبىتىم رەجيمى توقتاعانىن ايتىپ، كەلىسسوز جۇرگىزۋگە نيەتى جوق ەكەنىن جاريالادى.
