2026 جىلدىڭ ماۋسىم ايىندا اباي وبلىسى، اقسۋات اۋدانى اۋماعىندا ەل بيلەگەن كوشباسشى، جومارتتىعىمەن تانىلعان تانا مىرزا تىلەمىسۇلىنا ارنالعان «الاشقا تۇلعا بولعان – تانا مىرزا» اتتى رەسپۋبليكالىق جىر ءمۇشايراسىنىڭ قورىتىندىسى وتەدى.
بايقاۋدىڭ باستى ماقساتى – تاريحي تۇلعا تانا مىرزا تىلەمىسۇلىنىڭ ەسىمىن جاس ۇرپاق ساناسىندا جاڭعىرتۋ، ونىڭ ەرلىگىن دارىپتەۋ ارقىلى ۇلتتىق رۋحتى كوتەرۋ، سونداي-اق قازاق پوەزياسىن جاڭا، تىڭ تۋىندىلارمەن تولىقتىرۋ جانە جاس اقىندارعا قولداۋ كورسەتۋ.
مۇشايراعا قاتىسۋشىلار ەكى باعىت بويىنشا باق سىناي الادى:
– تانا مىرزا تىلەمىسۇلىنا ارنالعان پوەزيالىق شىعارمالار;
– ەركىن تاقىرىپتاعى ولەڭدەر.
بايقاۋعا قاتىسۋعا جاس شەكتەۋى قويىلمايدى. قاتىسۋشىلار ءوز شىعارمالارىن Microsoft Word فورماتىندا (Times New Roman, 14 كەگل) ەلەكتروندى تۇردە جولداۋى ءتيىس. تەك بۇرىن ەش جەردە جاريالانباعان جاڭا تۋىندىلار قابىلدانادى.
وتىنىمدەر 2026 جىلدىڭ مامىر ايىنا دەيىن قابىلدانادى. ۇزدىك اۆتورلار ماۋسىم ايىندا اقسۋات اۋدانىندا وتەتىن سالتاناتتى شارادا ماراپاتتالادى. قازىلار القاسى قۇرامىنا تانىمال اقىندار ەنەدى.
جۇلدە قورى:
– باس جۇلدە – 800 000 تەڭگە
– ءى ورىن – 550 000 تەڭگە
– ءىى ورىن – 450 000 تەڭگە
– ءىىى ورىن – 300 000 تەڭگە
– ارنايى جۇلدە – 150 000 تەڭگە (3 ادامعا)
قاتىسۋشىلار ءوز شىعارمالارىن، قىسقاشا ءومىربايانىن، فوتوسىن جانە بايلانىس ءنومىرىن tana_myrza@mail.ru ەلەكتروندى پوشتاسىنا جولداي الادى.
ايتا كەتەيىك، ءمۇشايرانى تانا مىرزا اتىنداعى قوعامدىق قورى ۇيىمداستىرىپ وتىر.
