2026 jyldyŋ mausym aiynda Abai oblysy, Aqsuat audany aumaǧynda el bilegen köşbasşy, jomarttyǧymen tanylǧan Tana Myrza Tılemısūlyna arnalǧan «Alaşqa tūlǧa bolǧan – Tana Myrza» atty respublikalyq jyr müşairasynyŋ qorytyndysy ötedı.
Baiqaudyŋ basty maqsaty – tarihi tūlǧa Tana Myrza Tılemısūlynyŋ esımın jas ūrpaq sanasynda jaŋǧyrtu, onyŋ erlıgın därıpteu arqyly ūlttyq ruhty köteru, sondai-aq qazaq poeziiasyn jaŋa, tyŋ tuyndylarmen tolyqtyru jäne jas aqyndarǧa qoldau körsetu.
Müşairaǧa qatysuşylar ekı baǧyt boiynşa baq synai alady:
– Tana Myrza Tılemısūlyna arnalǧan poeziialyq şyǧarmalar;
– erkın taqyryptaǧy öleŋder.
Baiqauǧa qatysuǧa jas şekteuı qoiylmaidy. Qatysuşylar öz şyǧarmalaryn Microsoft Word formatynda (Times New Roman, 14 kegl) elektrondy türde joldauy tiıs. Tek būryn eş jerde jariialanbaǧan jaŋa tuyndylar qabyldanady.
Ötınımder 2026 jyldyŋ mamyr aiyna deiın qabyldanady. Üzdık avtorlar mausym aiynda Aqsuat audanynda ötetın saltanatty şarada marapattalady. Qazylar alqasy qūramyna tanymal aqyndar enedı.
Jülde qory:
– Bas jülde – 800 000 teŋge
– I oryn – 550 000 teŋge
– II oryn – 450 000 teŋge
– III oryn – 300 000 teŋge
– Arnaiy jülde – 150 000 teŋge (3 adamǧa)
Qatysuşylar öz şyǧarmalaryn, qysqaşa ömırbaianyn, fotosyn jäne bailanys nömırın tana_myrza@mail.ru elektrondy poştasyna joldai alady.
Aita keteiık, müşairany Tana Myrza atyndaǧy qoǧamdyq qory ūiymdastyryp otyr.
