KIA زاۋىتى – ەلىمىزدەگى جاڭا ءارى جوعارى تەحنولوگيالىق كاسىپورىنداردىڭ ءبىرى. وندىرىستىك الاڭ 2025 جىلدىڭ قازان ايىندا ءىرى ينۆەستيتسيالار مەن ەلدە جۇرگىزىلىپ جاتقان ەكونوميكالىق رەفورمالاردىڭ قولداۋىنىڭ ارقاسىندا ىسكە قوسىلدى.
كاسىپورىننىڭ جوبالىق قۋاتى جىلىنا 70 مىڭعا دەيىن اۆتوكولىك شىعارۋعا مۇمكىندىك بەرەدى. قازىرگى تاڭدا زاۋىت قارقىندى دامىپ كەلەدى، ۇجىم قاتارى جاس ماماندارمەن تولىعۋدا. ءوندىرىس تولىق جوبالىق قۋاتىنا شىققان كەزدە مۇندا 1500 ادامعا دەيىن جۇمىس ىستەيتىن بولادى.
بۇل – تەحنولوگيالىق ۇدەرىستە 70 ونەركاسىپتىك روبوت قولدانىلاتىن، ەلىمىزدەگى ەڭ روبوتتاندىرىلعان اۆتوزاۋىتتاردىڭ ءبىرى سانالاتىن زاماناۋي ءوندىرىس ورنى.
ۇجىم ءۇشىن جاڭا كونستيتۋتسيا جوباسىندا ەڭبەك قاۋىپسىزدىگىنە، ءادىل ەڭبەكاقىعا جانە قىزمەتكەرلەردىڭ قۇقىقتارىن كۇشەيتىلگەن قورعاۋعا كەپىلدىكتەردىڭ بەكىتىلۋى ايرىقشا ماڭىزدى.
ء«بىز جاڭا كونستيتۋتسيانى قابىلداۋ جونىندەگى رەفەرەندۋمدى قولدايمىز، ويتكەنى مىقتى ەكونوميكا ادام ەڭبەگىنە دەگەن قۇرمەتتەن باستالادى دەپ سەنەمىز. ءبىز - دامۋ ءۇشىن، ءبىز - قازاقستاننىڭ بولاشاعى ءۇشىن»، - دەيدى كاسىپورىن ۇجىمى.
زاماناۋي ءوندىرىس پەن قورعالعان ەڭبەك - ەكونوميكالىق ءوسىم مەن ەرتەڭگى كۇنگە دەگەن سەنىمنىڭ بەرىك نەگىزى.
